काठमाडौं : प्रधानमन्त्री केपी शर्मा ओलीले मंगलबार पत्रकार सम्मेलन आयोजना गर्ने भएका छन् । प्रधानमन्त्री ओलीले साँझ ५ बजे प्रधानमन्त्री तथा मन्त्रिपरिषद्को कार्यालय सिंहदरबारमा पत्रकार सम्मेलन गर्न लागेका हुन् ।
आजको प्रतिनिधिसभाको बैठकमा प्रधानमन्त्री ओलीले सम्बोधन गर्ने कार्यक्रम थियो । तर, सम्बोधनका लागि रोस्ट्रममा पुगिसकेका बेला प्रतिपक्षी सांसद्हरूले नाराबाजी गरेपछि भोलिसम्मका लागि बैठक स्थगित भएको छ ।
यसैबीच प्रधानमन्त्री ओलीले प्रतिनिधिसभामा आज प्रतिपक्षीले गरेको अवरोधका कारण आफू अत्यन्तै दुःखी भएको बताएका छन् ।
उनले ट्वीटर ह्यान्डलमा एक ट्वीट गर्दै उक्त घटनाबाट आफू दुःखी भएको उल्लेख गरेका हुुन् ।
‘प्रतिपक्षी कांग्रेसले रोस्ट्रम घेराउ गरेर अवरोध गरेका कारण, मैले हालैको युरोप भ्रमण र गुठी विधेयक लगायतका समसायिक विषयमा रहेको जनचासोका सन्दर्भमा सम्मानित सदनलाई आज जानकारी गराउन पाइनँ । यस घटनाबाट म दुःखी भएको छुु’, प्रधानमन्त्रीले ट्वीटमा उल्लेख गरेका छन् ।
प्रतिपक्षी नेकॉले रोष्ट्रम घेरी अबरोध गरेका कारण मैले हालैको युरोप भ्रमण र गुठी बिधेयक लगायतका समसायिक बिषयहरूमा रहेको जनचासोका सन्दर्भमा सम्मानीत सदनलाई आज जानकारी गराउन पाईन। यस घटनाबाट म दु:खी भएको छु।
