काठमाडौं । मिलेनियम च्यालेन्ज कर्पाेरेशन (एमसीसी) र भारतले मिचेको नेपाली भूमिको बारेमा भइरहेको काम कारबाही सदनलाई जानकारी गराउन माग गरिएकाे छ ।
सोमबार राष्ट्रिय सभाको बैठकमा बोल्दै सांसद बिडारीले पाँच दिन भित्र सरकारले यी विषयमा सदनलाई जानकारी दिन माग गरेका हुन् ।
एमसीसी र इण्डोपेसिफिक राणनीति बारे फरक फरक व्याख्या भइरहेको बताउँदै उनले याे विषय सरकारले प्रष्ट पार्नुपर्ने धारणा राखे । एमसीसी विवादमा सरोकारवाला मौन बसेकाे सरोकार नभएकाहररु कराउँदै गरेकाे अवस्था रहेकाे उनले बताए ।
यसमा सम्बन्धित मन्त्रीले जानकारी दिनुपर्ने बताउँदै उनले एमसीसी परियाेजना संसद्ले पारित गर्नुपर्ने वा नपर्ने स्पष्ट पार्न आग्रह गरे ।
त्यस्तै सीमाकाे विषयमा भएकाे अन्याैल हटाउन छिटो भन्दा छिटो नेपालले नयाँ नक्सा सार्वजनिक गर्नुपर्ने धारणा उनले राखेका छन् । उनले सीमा सुरक्षाबारे सरकारले गरेको काम बारे पनि जानकारी माग गरे ।
