काठमाडौं । प्रमुख प्रतिपक्षी नेपाली कांग्रेसले सभामुख पदमा उम्मेदवारी नदिने भएको छ ।
मंगलबार बिहान सिंहदरबारमा बसेको कांग्रेस संसदीय दल कार्यसमिति बैठकले सभामुखमा उम्मेदवारी नदिने निर्णय गरेको हो ।
सभामुखका लागि सत्तारुढ नेकपाले उम्मेदवारी दिएको र उ सँग स्पष्ट बहुमत रहेकाले उम्मेदवारी नदिने निर्णय गरिएको सचेतक पुष्पा भुसालले सनराइज खबरलाई बताइन् । ‘सभामुख आफैमा तटस्थ रहनुपर्ने पद हाे, त्यसैले उम्मेदवारी नदिने निर्णय गरेका हाैं' – उनले भनिन् ।
नेकपाले अग्नि सापकोटालाई सभामुखकाे उम्मेदवार बनाएको छ ।
उम्मेदवारी दर्ताका लागि मंगलबार बिहान ११ देखि २ बजेसम्मको समय तोकिएको छ । सभामुख चुनाव १२ माघमा हुदै छ ।
