काठमाडौं । सांसद् प्रदिप यादवले चीनमा रहेका नेपालीलाई नेपाल ल्याएपछि राख्ने ठाउँ नभए संसद् भवनमा राख्नुपर्ने बताएका छन् ।
प्रतिनिधि सभा बैठकको शूून्य समयमा बोल्दै सांसद् यादवले उद्धार गरेर ल्याइने नेपालीलाई कहाँ राख्ने भनेर पाँच दिन देखि खोजिरहेका बताए । उनले भने– ‘चीनबाट आउने विद्यार्थीलाई यहाँ राखाैं, हामी बाहिर पालमुनि बसेर सदन चलाउँ ।’
तीन सय चार रोपनी जग्गा कब्जा गरेर ह्यात होटल राखेको भन्दै उनले त्यो होटल नै खाली गराएर नेपाली विद्यार्थीको जीवन बचाउन सरकारसँग माग गरेका छन् ।
सरकारले नेपाली विद्यार्थीको उद्दार गर्न जहाज तयारी अवस्थामा राखेको सुनिएकाे भन्दै उनले प्रश्न गरे– जहाज कहिले उड्छ ?
