काठमाडौं । प्रधानमन्त्री केपी शर्मा ओलीले आफूले भ्रष्टाचार नगर्ने र अरुलाई पनि गर्न नदिन गरेको प्रतिवद्धता कार्यान्वयनमा आइसकेको सांसद् युटाेल तामाङले बताइन् ।
बिहीबार राष्ट्रिय सभाको शून्य समयमा बोल्दै उनले भ्रष्टाचार नियन्त्रणका लागि सरकारले गरेको कामको प्रशंसा गर्दै धन्यवाद समेत दिइन् ।
बालुवाटारकाे जग्गा हिनामिना प्रकरणले सरकारले केही नगरेकाे आराेप लाग्ने गरेकाे स्मरण गर्दै उनले साे काण्डमा संलग्न पूर्व मन्त्रीहरु तथा पूर्व सचिवहरुको नाम सार्वजनिक हुनु नै सरकारको काम रहेको बताइन् ।
‘भ्रष्टाचार नियन्त्रण नगरेको कारण विकास हुन नसकेको हो । बिस्तारै भ्रष्टाचार नियन्त्रण हुँदैछ’ – उनले भनिन् ।
अब वाइडबडी काण्डमा पनि छानबिन हुने र यसमा संलग्नकाे नाम कहिले बाहिरिन्छ भन्दै कान थापेर बसेको उनले बताइन् ।
