काठमाडौं । मंगलबार प्रतिनिधि सभा बैठक गणपुरक सुंख्या नपुगेर स्थगित भएकोमा एक सांसद्ले आपति जनाएका छन् ।
प्रतिनिधि सभा बैठककाे शून्य समयमा बोल्दै नेकपा सांसद् यज्ञराज सुनुवारले बैठकको सुरुमा प्रवेश गर्ने र अन्तिमसम्म बस्नेको रेकर्ड राख्न माग गरे । ‘हिजो ५८ जना मात्र भएपछि बैठक स्थगित भयो, बैठकमा बस्ने र नबस्ने सांसद्को रेकर्ड राखियोस्’ - सुनुवारले भने ।
अबदेखि बैठकमा आउने, नअाउने, आफूले बोलुन्जेल बस्ने र अन्तिम समयसम्म बस्ने सबैको रेकर्ड राख्न उनले सचिवालयलाई अनुरोध गरे ।
मंगलबारको बैठक कोरोम नपुगेर स्थगित भएको थियो । हाजिर गरेर टाप कस्ने सांसद्को प्रवृतिका कारण त्यस्तो अवस्था आएको हो ।
देशमा भ्रष्टार बढेको भन्दै उनले कर्मचारी, ठेकेदार व्यापारी सबैको सम्पत्ति छानविन गर्न पनि माग गरे ।
