काठमाडौ । सत्तारुढ नेकपाका सांसद् विष्ण पौडेलले सरकारको नीति तथा कार्यक्रम कोरोना प्रभावमा केन्द्रित हुने बताउनु भएको छ ।
प्रतिनिधि सभाकाे साेमबार बसेकाे बैठकमा बाेल्दै पौडेलले भन्नुभयो, ‘नीति तथा कार्यक्रम कोरोनासँग अल्झिएर बस्नु हुँदैन, यसले पार्ने प्रभावबाट कसरी अघि बढ्ने कुरामा केन्द्रित हुनुपर्छ ।’
सरकारको आगामी वर्षको नीति तथा कार्यक्रम कोभिडको रोकथाम, नियन्त्रण र उपचारमा केन्द्रित भएको उहाँले बताउनुभयो । काेराेनाले सामाजिक क्षेत्रमा पार्ने प्रभाको बारेमा गम्भिर हुनुपर्ने उहाँले बताउनुभयो ।
काेराेना नियन्त्रण गरेर थप क्षति हुन नदिने तथा उत्पादन र रोजगारी सिर्जना गर्नेगरि नीति तथा कार्यक्रम आएको उहाँले बताउनुभयो ।
कोरोना चुनौतीबीच आन्तरिक स्राेत परिचालन गर्ने सरकारको नीति तथा कार्यक्रम राम्रो भएको उहाँले बताउनुभयो ।
वर्तमान सरकार राष्ट्रियताको रक्षाको लागि अविचलित रहेको उहाँले प्रष्ट पार्नुभयो । यसका लागि सरकार सबैलाई साथ लिएर अगाडि बढ्न चाहेको उहाँले बताउनु भयो ।
कोरोनाको कारण विश्वले नै समस्या झेलिरहेको अवस्थामा कोभिडको सामना र सीमा रक्षा लगायत विषयमा साझा दृष्टिकोण निर्माणगरी अघि बढ्नु पर्ने उहाँले बताउनुभयो ।
