काठमाडौं । सांसद जितेन्द्र नारायण देवले कोरोनाका कारण विदेशमा अलपत्र परेका नागरिकको तत्काल उद्दार गर्न आग्रह गर्नुभएको छ ।
राष्ट्रियसभाको विशेष समयमा बोल्दै उहाँले प्रतिपक्षी दलले पूर्वाग्रही ढंगले विदेशमा रहेका नेपाली मुद्दा उठाइहेको भन्ने प्रधानमन्त्री केपी शर्मा ओलीको अभिव्यक्तिको खण्डन गरेका छन् । उहाँले जनताको बाँच्न पाउने अधिकारको संरक्षण गर्न आग्रह गर्नुभयो ।
उहाँले भन्नुभयो, '४०, ४५ लाख नेपालीलाई ल्याउनुहोस् भनेको होइनौँ हामीले रोजगारी गुमेका, खाना नपाएका, स्वदेश आउनेहरुलाई ल्याउनुहोस् भनेका हौ । व्यवस्थित रुपमा परीक्षण गरेर ल्याउनुहोस् । आउन चाहानेहरुलाई नेपाली माटोमा बाँच्न दिउ भनका हौ ।’
कोरोनाको जोखिमबाट नेपालको छिमेकी राष्ट्र भारतमा आठ लाख नेपाली, कुवेत, मलेशियालगायत देशबाट भोकमरी र कामविहीन भएका नेपालीलाई मात्र ल्याउनुपर्छ भन्ने विपक्षीको माग भएको उहाँले बताउनुभयो । सांसद् देवले विश्व स्वास्थ्य सङ्गठनको मापदण्ड अनुसार क्वारेन्टिन बनाउन आग्रह गर्दै विपद्मा बेलामा प्रतिपक्षले सरकारलाई सहयोग गर्ने बताउनुभयो ।
नेपाल कम्युनिस्ट पार्टी (नेकपा)का रामनारायण बिडारीले नेपाल–भारतको सिमानामा रहेको भूमि अन्तराष्ट्रिय कानून र कूटनीतिक पहलमार्फत जतिसक्दो छिटो फिर्ता गर्नुपर्ने सरकारलाई सुझाव दिनुभयो । सांसद बिडारीले भारतको पूर्व सरकार प्रमुखले गरेको हेलचक्र्याइँले गर्दा अहिले दुई देशको कूटनीतिक सम्बन्धमा अप्ठ्यारो परेको भन्दै प्राप्त तथ्यका आधारमा जतिसक्दो छिटो समाधान खोज्नुपर्ने सुझाव दिए ।
सिमाना विवादको छलफल धेरै पहिलादेखि हुँदै आए पनि अहिले छलफल उत्कर्षमा पुगेको बताउँदै उहाँले भन्नुभयो, ‘सिमाना विवाद संवेदनशील कुरा हो, भारतको सैनिक अनि नेपालका जोसुकैले बोल्ने कुरा होइन, सरकारले विचार पुर्याएर कूटनीतिक ढङ्गले वार्ता गर्न जरुरी छ ।’
उहाँले अन्तर्रा्िष्ट्रय कानूनअनुसार संयुक्त राष्ट्रसङ्घको सदस्य राष्ट्र भएको हुनाले सीमाको तथ्यका आधारमा नेपालको मिचिएको भूमि फिर्ता गर्नुपर्ने सुझाव दिनुभयो । सांसद बिडारीले तरकारी र फलफूल विदेशबाट ल्याउनुभन्दा आफ्नै देशमा भएको उत्पादनलाई प्राथमिकता दिनुपर्ने सुझाव दिनुभयो ।
‘गाउँगाउँका फलफूल र तरकारी शहरमा ल्याउने वातावरण मिलाउनुपर्छ, शहरबाट मल र बीउ लैजानुप¥यो’, सांसद् बिडारीले भन्नुभयो, ‘भारतीय फलफूल तरकारी नेपालमा आउन रोकिन्छ, मुलुक आत्मनिर्भर बन्नुपर्ने जरुरी छ, नेपालकै चल्ला मारिएका छन्, दूध पोखिएका छन, किन विदेशबाट ल्याउने ?’
सांसद बिडारीले कोरोना भाइरसको महामारीका अवस्थामा काम गर्ने कानूनी जटिलतालाई सरकारले ध्यानमा राखी गृहमन्त्रालयले दिने सवारी पासलाई विचार गरेर मात्र काम दिन सुझाव दिनुभयो ।
नेकपाका हरिनारायण चौधरीले सुदूरपश्चिमका जिल्लामा कोरोनाको सङ्क्रमणका जोखिम बढ्दै गएको हुनाले रोकथाम तथा नियन्त्रणका लागि सरकारले विशेष ध्यान दिन आग्रह गर्नुभयो । राष्ट्रिय जनता पार्टीका मृगेन्द्रकुमार सिंहले कोरोना भाइरससँग लड्नका लागि कृषि क्रान्ति जरुरी भएको हुनाले कृषिलाई बढी ध्यान दिनुपर्ने बताउनुभयो । उहाँले अहिले धान र मकैको उत्पादन गर्ने समय भएको हुनाले किसानलाई समयमै मल र उन्नत बीउ पु¥याउनुपर्नेमा जोड दिनुभयो । –रासस
