काठमाडौं । कोराना राेकथाम तथा नियन्त्रणका लागि जारी लकडाउनले थला परेको पर्यटन क्षेत्रका उठाउन सरकारले राहज प्याकेज घाेषणा गरेकाे छ ।
आगामी आर्थिक वर्षको बजेट तथा कार्यक्रम प्रस्तुत गर्दै अर्थमन्त्री डा. युवराज खतिवडाले पर्यटन श्रेत्र पुनउत्थानका लागि कर छुट तथा सहयोग गर्ने बताउनुभयाे । उहाँले पर्यटन प्रवर्द्धन तथा पूर्वाधार विकासका लागि १ अर्ब २६ करोड बजेट विनियोजन गरिएकाे बताउनुभयाे ।
सरकारले आउँदो आर्थिक वर्षमा आन्तरिक पर्यटनलाई पनि जोड दिने भएको छ । कोरोनाको जोखिम कम भएसँगै निजामती कर्मचारी र औपचारिक क्षेत्रका कर्मचारीलाई देश दर्शनमा प्रोत्साहन गरिने कार्यक्रम बजेटमा उल्लेख छ ।
एक प्रदेश एक पर्यटकीय गन्तव्यका लागि आवश्यक पूर्वाधारहरु व्यवस्थापन गरिने उहाँले बताउनुभयाे । भने मौलिक संस्कृतिको पनि विकास गरिनेछ। यसलाई पुनउत्थान गर्न कृषि जलयात्राका लागि हिमाली तथा पहाडी क्षेत्रमा पर्यटनका सम्भावना पहिचान गरिने उहाँले जानकारी दिनुभयाे ।
हवाई सेवा, होटल व्यवसाय, ट्रेकिङ, पर्वतारोहणमा कर छुट लगायतका व्यवस्था गरिने अर्थमन्त्री खतिवडाले बताउनुभयाे ।
