काठमाडाैं । सरकारले प्रधानमन्त्री रोजगार कार्यक्रमका लागि ११ अर्ब ६० करोड बजेट विनियोजन गरेकाे छ ।
सरकारले साे कार्यक्रमको दायरा फराकिलो बनाएको छ । ५ अर्बको प्रधानमन्त्री रोजगार कार्यक्रमलाई बढाएर आगामी आर्थिक वर्षका साे रकम विनियाेजन गरिएकाे हाे । आगामी आर्थिक वर्षमा साे कार्यक्रम अन्तरगत २ लाख जनालाई रोजगारी दिन ११ अर्ब ६० करोड रुपैयाँ विनियोजन गरिएको अर्थमन्त्री डा. युवराज खतिवडाले जानकारी दिनुभयाे ।
चालू आर्थिक वर्षमा सरकारले प्रधानमन्त्री रोजगार कार्यक्रममार्फत ६० हजारलाई रोजगारी दिन पाँच अर्ब एक करोड बजेट विनियोजन गरेको थियो ।
काेराेनाका कारण स्वदेश तथा विदेशमा रहेका नागरिकको रोजगारीमा परेको असरलाई मनन् गरी देशभित्र काम र रोजगारीका थप अवसर सिर्जना गर्न बजेट विनियोजन गरिएकाे हाे ।
