काठमाडाैं । अाज बस्ने प्रतिनिधि सभा बैठकमा संविधान संशोधन विधेयक पेस हुने भएको छ ।
प्रतिनिधि सभाको अाज बस्ने बैठककाे सम्भावित कार्यसूचीमा कानुन, न्याय तथा संसदीय मामिलामन्त्री शिवमाया तुम्बाहाङ्फेले साे विधेयक पेस गर्ने उल्लेख छ ।
बिहान ११ बजे बस्ने बैठकमा मन्त्री तुम्बाहाङ्फेले संविधान संशोधन प्रस्ताव प्रस्तुत गर्न अनुमति माग्ने प्रस्ताव पेस गर्नुहुने कार्यसूचीमा उल्लेख छ । सदनले अनुमति दिएपछि उहाँले 'नेपालको संविधान (दोस्रो संशोधन) विधेयक, २०७७' पेस गर्ने सम्भावित कार्यसूची छ ।
सरकारले लिम्पियाधुरा, लिपुलेक र कालापानी लगायत भूभाग समेटिएकाे नक्साअनुसार निशान छाप परिमार्जन गर्न ९ जेठमा साे विधेयक दर्ता गरेकाे थियाे । विधेयकमा नेपालको नक्सा अद्यावधिक गरिएकाले नेपालको निशान छापमा साे नक्सा राख्नुपर्ने भएकाले संविधान संशोधन गर्नुपर्ने उल्लेख छ ।
यसअघि बुधबारकाे प्रतिनिधि सभाका बैठककाे सम्भावित कार्यसूचीमा राखिएकाे संविधान संशोधन विधेयक पेस गर्ने कार्यक्रम पछि हटाएको थियो ।
प्रधानमन्त्री केपी शर्मा अाेलीले बाेलाउनु भएकाे सर्वदलीय बैठकमा प्रमुख प्रतिपक्षी नेपाली कांग्रेसले विधेयकबारे निर्णय गर्न केही दिन समय मागेकाे थियाे । त्यसैले विधेयक कार्यसूचीबाट हटाइएकाे थियाे ।
शनिबार बसेकाे कांग्रेस केन्द्रीय समिति बैठकले संविधान संशोधन विधेयकको पक्षमा मतदान गर्ने निर्णय गरेको थियाे । याेसँगै विधेयक दुई तिहाइ बहुमतले पारित हुन सक्ने सम्भावना बढेकाे छ ।
यसअघि राष्ट्रिय प्रजातन्त्र पार्टी (राप्रपा) ले पनि संविधान संशाेधन विधेयकाे पक्षमा मतदान गर्ने निर्णय गरिसकेकाे छ ।
