काठमाडौं । नेकपा सांसद् नारायणकाजी श्रेष्ठले आगामी बर्षको बजेटलाई विवादरहित ढंगबाट स्वीकार गर्नुपर्ने बताउनुभएको छ ।
आइतबार बसेको राष्ट्रिय सभा बाेल्दै सांसद् श्रेष्ठले बजेट कोरोनापछिको देशको आवश्यकता अनुसार आएको उहाँले बताउनुभयो । बजेट राष्ट्रको आवश्यकतालाई सम्बोधन गर्दै आएको भन्दै उहाँले बजेट सरकारको प्राथमिकता र सिद्धान्तहरुमा नै आधारित भएको बताउनुभयो ।
कोरोनापछि आउने ठूलो परिवर्तनपछिको सामाजिक न्यायसहितको लक्ष्य हासिल गर्ने अपेक्षा राखेको भन्दै उहाँले बजेटले सोही दिशातिर उन्मूख हुने आधार तयार गर्ने बताउनुभयो ।
बजेटले अघि सारेको सिद्धान्त र उदेश्य अुनरुप नै यसकाे कार्यान्यन हुने विश्वास लिएकाे उहाँले बताउनुभयो ।बजेटले कोरोना जस्ता संक्रामक रोगहरुबाट नेपाली जनतालाई बचाउने उदेश्यले स्वास्थ्यको सुनिश्चितताको सिद्यान्तलाई पक्रेको उहाँले बताउनुभयो ।
मानिस बचाउने, स्वास्थ्यको कोणबाट हुने मानवीय क्षति मात्र होइन कोरोनाबाट मानिसको दैनिक जीवननै परिवर्तन हुनबाट कसरी बचाउने भन्ने उद्देश्यसाथ बजेट आएको उहाँको भनाई छ ।
कोरोनाका कारण टुटेको अर्थतन्त्रलाई बचाउने ढंगले बजेट आएको उहाँले बताउनुभयो ।
