काठमाडौं । राष्ट्रिय सभा अध्यक्ष गणेशप्रसाद तिमिल्सिनाले भोलिदेखि राष्ट्रिय सभा बैठकको भत्ता नलिने घाेषणा गर्नुभएकाे छ ।
बिहीबार विज्ञप्ति निकालेर उहाँले जेठ २२ गतेदेखि चैत्र मसान्तसम्मको कुनै पनि किसिमको भत्ता नलिने जानकारी दिनुभएकाे हाे ।
संघीय संसद, राष्ट्रिय सभा बैठक भत्ता तथा विभिन्न कामको सिलसिलामा मुलुकभित्र भ्रमण गर्दा समेत कुनै भत्ता नलिने घोषणा गर्नुभएको छ ।
मुलुक काेराेना संक्रमणकाे महामारीविरुद्ध लडिरहेकाे बेला सार्वजनिक खर्चमा मितव्ययीता ल्याउन साे घाेषणा गरिएकाे उहाँले विज्ञप्तिमा उल्लेख छ ।
उहाँले भत्ताबापतको रकम नेपाल सरकारको राजस्व खातामा जम्मा गर्ने समेत विज्ञप्तिमा लेख्नु भएको छ ।
