काठमाडौं । सांसद् प्रदिप गिरीले संसदीय लोकतन्त्रले नल्याएको ज्ञान संकटले ल्याउने बताउनुभएको छ । लोकतन्त्रबाट पनि लिन नसकेको ज्ञान कोरोनाको संकटबाट लिन उहाँले आग्रह गर्नुभयो ।
शनिबार प्रतिनिधि सभाको विनियोजित बजेट माथिको छलफलमा बोल्दै सांसद् गिरीले कोरोनाले ल्याएको बेरोजगारीलाई समाधान गर्न कृषि, सिँचाई लगायतको क्षेत्रलाई लगानी बढाउनु पर्ने बताउनुभयो ।
‘कृषि मुख्यतः जीवनशैली हो, कृषक प्रति राज्यको विशेष सहानुभूति हुनुपर्छ’, उहाँले भन्नुभयो । बजेटले कृषि र शिक्षाको उचित परिभाषा गर्नुपर्ने भए पनि त्यो आउन नसकेको भन्दै गिरीले चिन्ता व्यक्त गर्नुभयो ।
त्यस्तै उहाँले शिक्षा डिग्रीको सर्टिफिकेटमात्र नभएको बताउँदै उहाँले यसमा अहिलेसम्म राज्यले गरेको परिभाषा नै परिवर्तन गर्नुपर्ने बताउनुभयो ।
