काठमाडाैं । नेकपा सांसद् भीम रावलले भारतबाट मिचिएका भूभागमा नेपालको पहुँच पुर्याउने गरी बजेट छुट्याउन आग्रह गर्नुभएको छ ।
अाइतबार प्रतिनिधि सभा बैठकमा बोल्दै सांसद् रावलले मिचिएका भूमिमा सरकारको पहुँच पुग्ने गरी बजेट नआएको बताउनुभयो । उहाँले लिपुलेक, लिम्पियाधुरा लगायत क्षेत्रमा सडक पहुँच पुर्याउने बजेट राख्न माग गर्नुभयो ।
लोककल्याणकारी राज्यको सिद्धान्तअनुसार राज्य अघि बढ्नुपर्छ भन्दै उहाँले बजेटमा कतिपय राष्ट्रियता, राष्ट्रिय अखण्डता र स्वाधिनतामा आँच आउने विषय पनि परेका बताउनुभयाे ।
बजेट कार्यान्वनयन गर्दा राष्ट्रिय स्वाधिनतामा अाँच नअाउने काम गर्न सुझाव दिनुभयाे ।
