काठमाडाैं । प्रधानमन्त्री केपी शर्मा अाेलीले सरकारमा बसेकाहरुकाे जसरी पनि बदनाम गर्ने नियत राख्न नहुने बताउनु भएकाे छ ।
प्रधानमन्त्री तथा मन्त्रिपरिषद् कार्यालयको बजेटमाथि उठेका प्रश्नको बिहीबार राष्ट्रिय सभा बैठकमा जवाफ दिँदै उहाँले भन्नुभयाे - 'सरकार र अाेहाेदाम बसेकाहरुकाे जसरी पनि बदनाम गर्नुपर्छ, चरित्र हत्या गर्नुपर्छ भन्ने नियत राख्न भएन, मैले पहिलेदेखि नै भन्ने गरेकाे छु, म भ्रष्टाचार गर्दिन र गर्न पनि दिन्न ।'
काेराेना राेकथाम तथा नियन्त्रण लागि खर्च भएको १० अर्बबारे धेरै कुरा उठाइएकाे भन्दै उहाँले त्यसकाे एक एक हिसाब अाउने बताउनुभयाे ।सरकारका सबै काम पारदर्शी हुने पनि बताउनुभयाे ।
हिसाब किताब हेर्ने निकाय रहेकाे बताउँदै प्रधानमन्त्री अाेलीले भन्नुभयाे - 'याे सबै खर्चकाे हिसाब किताब आन्तरिक लेखा परीक्षण र महालेखा परीक्षणको वार्षिक प्रतिवेदन मार्फत सदनमा आउँछ, मानिस काममा लागेका छन्, केहीलाई खर्चको हिसाब चाहिएको छ, परिस्थितिको गम्भीरता बुझ्नु छैन ।’
साे रकमबाट स्थानीय तहहरुले क्वारेन्टाइन बनाएका, त्यहाँ बसेकाहरुलाई खुवाएका, उपचारमा खटिएकाहरुकाे बन्दाेबस्त गरेका उहाँले बताउनुभयाे ।
जनप्रतिनिधिहरुले पैसा खाए भनेर आरोप लगाउनुको सट्टा दुखका साथ खटिरहेका उनीहरुको प्रशंसा गर्नुपर्ने उहाँले बताउनुभयाे । 'उनीहरुको कामको हौसला गिर्ने गरी अपमान गर्नु, सन्देह पैदा गर्नु, हतोत्साहित गर्नु उपयुक्त भएन'- उहाँले भन्नुभयाे ।
कोरोनाले आक्रान्त भएर देश र दुनियाँ पीडित भएको बेला कसैले भ्रष्टचार गर्छ भने उसलाई कडा कारवाही गरिने पनि उहाँले बताउनुभयो । 'देश विपत्तिमा परेका बेला भ्रष्टाचारमा लिप्त भएर देश र जनताको हित नहेरी आफ्नो स्वार्थ हेर्ने र अनियमितता गर्ने जाे सुकै भएपनि कडा कारबाही हुन्छ'- उहाँले भन्नुभयाे ।
अाफूबाहेक अरु सबै भ्रष्ट छन् र यस देशमा भ्रष्टबाहेक काेही छैनन् भन्ने गलत साेँच नराख्न पनि अाग्रह गर्नुभयाे ।
