काठमाडौं । प्रमुख प्रतिपक्षी नेपाली कांग्रेसले विवाह गर्नासाथ विदेशी महिलालाई नागरिकता नदिए राजनीतिक दुर्घटना हुने बताएकाे छ ।
राष्ट्रिय सभा बैठकमा बाेल्दै कांग्रेस सांसद् जितेन्द्र नारायण देवले नेपाली पुरुषसँग विवाह गरी आउने विदेशी महिलालाई सात वर्षपछि मात्र नागरिकता दिने प्रावधानले मुलुकलाई विभाजनतिर लैजाने बताउनुभयाे ।
नागरिकता विधेयककाे सात वर्षे प्रावधान सम्बन्धि निर्णयले सरकार चीनतर्फ ढल्किएको प्रष्ट हुने सांसद् देवले बताउनुभयाे । 'विहार र युपीसँगकाे वैवाहिक सम्बन्ध ताेडेर राष्ट्रियता बलियाे हुन्छ भन्ने मानसिकता मण्डले मानसिकता हाे'- उहाँले भन्नुभयाे ।
वीरगञ्जदेखि राजविराजसँग निस्किएको जुलुसलाई कम नआक्न उहाँले आग्रह गर्नुभयो । ‘यसै गरिअघि बढ्ने हो भने नेपालमा राजनीतिक दुर्घटना हुन्छ’, देवले चेतावनी दिनुभयो । सरकाको चिन्तन मधेश र राष्ट्रियताविरुद्ध उन्मुख भएको उहाँले अाराेप लगाउनुभयो ।
नेपाल-भारत सम्बन्ध कुनै पार्टीले बनाएकाे नभइ सदियाैंदेखिकाे जनस्तरबाट जाेडिएकाे सम्बन्ध रहेकाे उहाँले बताउनुभयाे । तर नागरिकता विधेयककाे सात वर्षे प्रावधानले याे सम्बन्ध जाेखिममा पारेकाे उहाँकाे भनाइ छ ।
'यसले राजनीतिक ध्रुवीकरण सिर्जना गरी व्यवस्थानै उल्टिने अवस्था आउन सक्छ, नेकपाले यसमा पुर्नविचार नगरे भाेलि सँगै जेल जाने अवस्था समेत नअाउन भन्न सकिँदैन, हिजाे पनि जेल बसेकै हाे'- उहाँले भन्नुभयाे ।
कांग्रेस र मधेसवादी दललाई हेपिएकाे पनि सांसद् देवले अाराेप लगाउनुभयाे । नेपाल भारत र चीनसँग समदुरीको सिद्धान्तबाट अघि बढ्नुपर्ने भएपनि सरकारकाे विदेशी नीति एक पाखे भएकाे उहाँले अाराेप लगाउनुभयाे ।
