काठमाडाैं । नेकपाका उपाध्यक्ष तथा सांसद् वामदेव गौतमले राष्ट्रिय सभाको गरिमा नघटाउने बताउनु भएकाे छ ।
राष्ट्रिय सभा सदस्यको सपथ लिएपछि गाैतमले भन्नुभयाे - 'म राष्ट्रिय सभाको गरिमा बढाउनका लागि आएको हूँ, संविधान र राष्ट्रिय सभा नियमावलीअनुसार आफ्नो कर्तव्य पूरा गर्न आएको छु, सदस्यको हैसियतले राष्ट्रिय सभाको गरिमा र प्रतिष्ठा गिराउने काम गर्ने छैन, राष्ट्रियताको पक्षमा उभिने प्रण गर्छु ।'
संसद्मा प्रवेश गरेपछि अबको आफ्नो लक्ष्य पार्टी र देशलाई समाजवादतर्फ लैजाने हुने गाैतमकाे भनाइ छ । 'पार्टीले लिएको समाजवादमा पुग्ने संकल्प पूरा गर्न भूमिका खेल्छु, यो बाहेक मेरो अर्को स्वार्थ छैन'- भन्नुभयाे ।
आफूलाई राष्ट्रिय सभा सदस्यको रुपमा मनोनित गर्ने दल र सरकारलाई गाैतमले धन्यवाद् दिनुभयाे ।
नेता गौतमले बिहीबार राष्ट्रिय सभा अध्यक्ष गणेशप्रसाद तिम्सिनाबाट सपथ लिनुभएकाे हाे । मन्त्रिपरिषद्को सिफारिसमा राष्ट्रपति विद्यादेवी भण्डारीले गौतमलाई आजै राष्ट्रिय सभा सदस्यमा मनोनित गर्नुभएकाे थियाे ।
