काठमाडौं । प्रतिनिधि सभाकाे उद्योग तथा वाणिज्य र श्रम तथा उपभोक्ता हित समितिले उपसमिति बनाएकाे छ ।
आइतबार बसेको समितिको बैठकले चाडपर्वमा हुन सक्ने कालोबजारी र महँगीबारे अनुगमन गर्न ५ सदस्यीय उपसमिति गठन गरेकाे हाे ।
उपसमितिमा नेकपाका सांसद् पार्वती रावल (दिलकुमारी) र मायादेवी न्यौपाने तथा कांग्रेसका प्रकाश रसाईली (स्नेही) र सुजाता परीयार सदस्य छन् । एक जना सदस्य रिक्त छाडिएकाे छ ।
चाडपर्वका बेला हुनसक्ने महँगी र कालोबजारीका विषयमा स्थलगत अनुगमन र अनुसन्धान गर्ने जिम्मा उपसमितिले पाएकाे सांसद् दिलकुमारीले बताउनुभयाे । उहाँका अनुसार उपसमिति स्थलगत अनुगमनसँगै सराेकारवालाहरूसँग छलफल गरेर सम्बन्धी निकायकाे ध्यानाकर्षण गराउनेछ ।
चाडबाडका बेला महँगी बढ्ने गरेकाे छ । जसका कारण उपभाेक्ता मारमा पर्ने गरेका छन् ।
