काठमाडाैं । राष्ट्रपति विद्यादेवी भण्डारीविरुद्ध अश्लील नारा लगाउनेले सार्वजनिक माफी माग्नुपर्छ, माफी नमागेसम्म हामी त्यसै छाेड्दैनाैं, मुद्दा हाल्छाैं'- नेकपाकी सांसद् बिमला राई पाैडेलकाे चुनाैती हाे याे ।
राष्ट्रिय सभा बैठककाे विशेष समयमा बाेल्दै सांसद् राईले राष्ट्रपतिविरुद्ध सडकमा अश्लील नारा लगाउनेले सार्वजनिक माफी नमागे नमागे मुद्दा हाल्ने बताउनुभयाे । देशको सर्वोच्च पदमा पुग्ने राष्ट्रपतिको यौनिकतामाथि हमला गर्ने काम मन्त्री भएकै मानिसबाट हुनु निन्दनीय भएकाे उहाँले बताउँनुभयाे ।
महिला राष्ट्रपति भएकै कारण उहाँकाे विराेध भएकाे बताउँदै राईले भन्नुभयाे - 'राष्ट्रपतिको विरोधमा जस्तो नाराहरु लागे त्यो पुरुष राष्ट्रपति भएको भए त्यस्तो नारा लाग्दैनथ्यो, जुन नारा महिला राष्ट्रपति भएकै कारण लाग्यो, सम्पूर्ण नेपाली महिलाहरुको टाउको निहुँराउने काम त्यो प्रचण्ड समूहकाे भेलाले गर्याे ।'
त्यतिबेला माइक समाएर बाेल्नेहरु मानिसहरु राजनीतिक व्यक्ति हुन् जस्तो नलागेकाे राईकाे भनाइ छ । उहाँले भन्नुभयाे - 'राजनीति गर्ने मान्छेले राजनीतिक संस्कार बोक्छ, राजनीतिक दलका नेताहरुले राजनीतिक संस्कार बोक्नुपर्दछ, होइन भने उहाँहरुलाई राजनीतिज्ञ भन्न मिल्दैन, जस्ले माइक लिएर ठूलो-ठूलो स्वरमा राष्ट्रपतिको यौनिकतामाथि धावा बोलेर तिम्रो सिन्धुर कहाँ गयो पोते कहाँ गयो भनेर नारा लगाउने दुशाहस गर्याे त्यो मानिसलाई बोकेर ल्याउने नेताहरु खोइ ?'
राष्ट्रपतिविरुद्ध अश्लील नारा लगाउनेहरु राजनीतिक मानिस हुन भने उनीहरुले माफी माग्नुपर्ने बताउँदै उहाँले भन्नुभयाे - 'यदि त्यो राजनीतिक मानिस हो भने मैले गल्ती गरे यो कुराको म माफी माग्छु भनेर सार्वजनिक रुपमा माफी माग्ने कि नमाग्ने ? यदि ठिक गरेको हो भनेर उहाँहरुले सोच्नु हुन्छ भने हाम्रो राजनीतिक संस्कार खोइ ?
देशमा महिला र पुरुषसँगै लडेर लाेकतन्त्र र गणतन्त्र ल्याइएपनि महिलाहरुलाई सधैं हेप्ने गरिएकाे उहाँले बताउनुभयाे । 'अहिले आएर महिलाहरु सर्वोच्च ठाउँमा पुग्ने बित्तिकै, उनीहरुले गरेको राम्रो काम नराम्रो कामको खुलेर विरोध गर्न पाइन्छ, किन एउटा महिलाको व्यक्तिगत आचरणलाई आक्षेप गरेर व्यक्तिगत रुपमा कसैलाई किन यौन दुर्व्यवहार गरिन्छ ?'-राईकाे प्रश्न छ ।
