काठमाडौं । बुधबार बस्ने प्रतिनिधि सभा बैठकमा सामाजिक सुरक्षा (पहिलाे संशाेधन) लगायत ७ वटा अध्यादेश पेस हुने भएका छन् ।
संघीय संसद् सचिवालयले मंगलबार सार्वजनिक गरेकाे सम्भावित कार्यसूची अनुसार बुधबार बस्ने प्रतिनिधि सभा बैठकमा गृहमन्त्री रामबहादुर थापाले ३ वटा अध्यादेश पेस गर्नुहुनेछ । उहाँले नेपाल प्रहरी र प्रदेश प्रहरी कार्य सञ्चालन, सुपरिवेक्षण र समन्वय (पहिलो संशोधन), सामाजिक सुरक्षा (पहिलो संशोधन), तेजाब तथा अन्य घातक रासायनिक पदार्थ (नियमन) अध्यादेश पेस गर्नुहुने कार्यसूची छ ।
स्वास्थ्य तथा जनसंख्या मन्त्री हृदयेश त्रिपाठीले औषधि (तेस्रो संशोधन) अध्यादेश पेस गर्नुहुने कार्यसूची तय भएकाे संसद् सचिवालयले छ ।
कानुन, न्याय तथा संसदीय मामिला मन्त्री लीलानाथ श्रेष्ठले पनि ३ वटा अध्यादेश पेस गर्नहुने कार्यसूची तय छ । उहाँले फौजदारी कसूर तथा फौजदारी कार्यविधि सम्बन्धी केही ऐन संशोधन गर्ने अध्यादेश, यौन हिंसा विरुद्धका केही ऐनलाई संशोधन गर्ने अध्यादेश र बेपत्ता पारिएका व्यक्तिको छानविन, सत्य निरुपण तथा मेलमिलाप आयोग (तेस्रो संशोधन) अध्यादेश पेस गर्नुहुने संसद् सचिवालयले जनाएको छ ।
भाेलिकाे बैठकमा १४ जना सांसद्काे निधनमा शाेक प्रस्ताव पारित गरिने कार्यसूची समेत तय भएकाे छ ।
यसअघि फागुन २३ गते बसेकाे पुर्नस्थापित प्रतिनिधि सभाकाे बैठकमा कांग्रेसकाे अवराेधबीच संवैधानिक परिषद् सम्बन्धी अध्यादेश पेस भएकाे थियाे । कार्यसूचीमा अध्यादेश समावेश गरेको भन्दै प्रचण्ड समूहका सांसदले पनि बैठक बहिष्कार गरेका थिए ।
सर्वाेच्चकाे फागुन २३ काे फैसलापछि एमाले र माओवादी केन्द्र ब्युँतिएका छन् । भाेलि बस्ने बैठकमा पुरानै पार्टीकाे हैसियतमा दुबै पार्टीका सांसद् उपस्थित हुनेछन् ।
हेर्नुस् कार्यसूचीः
