काठमाडाैं । पुनर्थापनापछि बसेको आज बसेकाे प्रतिनिधि सभाको दोस्रो बैठक शोक प्रस्ताव पारित गरेर स्थगित भएको छ ।
पूर्व तथा बहालवाला १४ जना सांसद्हरूकाे निधनमा शाेक प्रस्ताव पारित गर्दै चैत ३ गतेसम्मका लागि बैठक स्थगित भएकाे हाे । बैठकले प्रतिनिधि सभा सांसद् सानु शिवा र सूर्यबहादुर केसीकाे निधनमा शाेक प्रस्ताव पारित गरेकाे छ ।
बैठकमा पूर्वसदस्यहरु दीपकबहादुर गुरुङ, डा. राममान श्रेष्ठ, वीरबहादुर लामा, ओमकारप्रसाद गौचन, इन्द्रहाङ लिम्बु, कमानसिंह लामा, गंगादत्त जोशी, एकनाथ रानाभाट, कुवेरप्रसाद शर्मा र डा. शंकरप्रसाद उप्रेतीको निधनमा शोक प्रस्ताव पारित भएकाे छ ।
त्यस्तै बैठकले संविधान सभा सदस्य मानपुर चौधरी र भीमप्रसाद गौतमकाे निधनमा पनि शोक प्रस्ताव पारित गरेकाे छ । दिउँसाे १ बजेका लागि बाेलाइएकाे बैठक ढिलाेगरी सुरू भएर शाेक प्रस्ताव पारित गर्दै सकिएकाे हाे ।
आजकाे बैठकमा एसिड आक्रमणसहित विभिन्न सात वटा अध्यादेश पेस गर्ने कार्यसूची तय थियाे । तर शाेक प्रस्ताव पारित गरेर बैठक स्थगित गरिएकाे छ ।
