काठाडौं । पराष्ट्रमन्त्री प्रदीपकुमार ज्ञवालीले नागरिकका आधारभूत आवश्यकता पूरा गर्नु नै अग्रगमन भएको बताउनुभएको छ । निश्चित व्यक्ति पदमा पुग्दा अग्रगमन हुने र पदमा पुग्न नपाउँदा प्रतिगमन हुने भन्ने कुरा गलत भएको उहाँले बताउनुभयो ।
शुक्रबार प्रतिनिधि सभा बैठकमा नेकपा एमालेको तर्फबाट बोल्दै मन्त्री ज्ञवालीले भन्नुभयो- ‘काठमाडौंका काकाकुल जस्ता भएका जनताले पानी खान पाउनु जस्तो अग्रगमन अर्को हुँदैन, तराईका वनजर जमीनमा सिँचाई दिनुजस्तो अग्रगमन अरु केही पनि हुन सक्दैन, त्यसकारण हामी चाहन्छौँ यो सदन यस्तै खालका अग्रगमनका एजेण्डामा केन्दित होस् ।’
व्यक्तिका अतृप्त आकांक्षामा घुमेर सदनको मूल्यवान समय खेर फाग्नु नहुने उहाँको सुझाव छ । निश्चित व्यक्तिको सपना पूरा भएन भने त्यसैलाई प्रतिगमन भन्ने प्रचल गलत रहेको ज्ञवालीले बताउनुभयो ।
यसबीचमा देशले धेरै उपलब्धि प्राप्त गरेको ज्ञवालीको भनाइ छ । ‘नेपाल अल्पविकसित मुलुकबाट विकासशील मूलुकमा प्रवेश गर्दै छ, नेपाल र नेपालीको निधारमा लागेको अल्पविकसित मुलुकुको कालो टीका अब हट्दै छ’- उहाँले भन्नुभयो ।
संविधान जारी भइसकेपछि पनि ठूलो सस्याको रुपमा रहेका पृथक्तावादी समूह र हिंसात्मक आन्दोलन सुरु गरेको समूह शान्ति प्रक्रियामा आएको ज्ञवालीले जानकारी दिनुभयो । ‘अब नेपाल हिंसामुक्त मुलुक भएको छ, यो धेरै ठूलो उपलब्धि हो’- ज्ञवालीले भन्नुभयो ।
सरकारले गरेका केही महत्वपूर्ण कामबारे जानकारी दिँदै मन्त्री ज्ञवालीले भन्नुभयो- ‘मेलम्चीको पानी काठमाडौं आएको छ, मरिण डाइभर्सनको काम सुरु भएको छ, नागढुंगाको जाम हट्दै छ, दुई वर्ष भित्र प्रत्येक पालिकालाई पिच सडकसँग जोड्ने गरी काम सुरु भएको छ, केही दिनमा तामाकोसीको विद्युत राष्ट्रिय प्रशासरण लाइनमा जोडिँदै छ ।’
नेपालमा कोरानाबाट निको हुनेको दर अति राम्रो भएको उहाँले प्रतिनिधि सभालाई जानकारी दिनुभयो । कोरोनबाट संक्रमितक निकोहुने दर ९८ प्रतिशत रहेको उहाँले बताउनुभयो । कोराना भ्याक्सिन लगाउने काम सुरु भएको भन्दै उहाँले खुसी व्यक्त गर्नुभयो । भारत र चीनले निःशुल्क भ्याक्सिन दिएकोमा धन्यवाद दिँदै सरकार खोप खरिदको प्रक्रियामा रहेको पनि उहाँले जानकारी दिनुभयो ।
यसबीचमा मुलुकको वाह्य सम्बन्धमा समेत राम्रो सुधार भएको उहाँले जानकारी दिनुभयो । सीमा समस्याको बारेमा भारतसँग औपचारिक रुपमा एजेण्डा बनाएको उहाँले बताउनुभयो । यसैबीचमा नेपालले सगरमाथाको उचाइ नेपालले आँफै नापेको पनि उहााले जानकारी दिनुभयो । ‘मुलुकले यस बीचमा महत्पूर्ण सफलता प्राप्त गरेको छ’- उहाँले भन्नुभयो ।
फागुन ११ गतेको सर्वोच्च अदालतको फैसलाबाट प्रतिनिधि सभा पुर्नस्थापना भएकोमा सकारले त्यसको सम्मान गर्दै पालना गरेको मन्त्री ज्ञवालीले बताउनुभयो । ‘हाम्रो पार्टी संविधानको सर्वोच्चता र विधिको शासनमा विश्वास गर्दछ’, उहाँले भन्नुभयो ।
सरकार नयाँ जनमतमा जानुपर्छ भन्ने दृष्टिकोण भए पनि सार्वोच्च अदालतले त्यसलाई बदर गरिदिई सकेकोले अब यही संसद् भित्रबाटै समस्याको समाधान खोज्नु पर्ने उहाँले बताउनुभयो ।
तर प्रतिधिनि सभाका सुरुका बैठकले राम्रो सन्देश दिन नसकेको उहाँले बताउनुभयो । सदन नचलेको अवस्थामा सरकारले अध्यादेश ल्याउने र सदन चलेको पहिलो दिन नै टेबल गर्नु पर्ने व्यवस्था भए पनि त्यो हुन नदिएको भन्दै उहाँले दुःख व्यक्त गर्नुभयो । ‘अत्यावश्क अध्यादेश समेत सदनमा टेबल गर्न दिइएन’- ज्ञवालीले भन्नुभयो ।
नेकपा एमाले र सकारले सर्वोच्च अदालतको फैसला अउँदा लड्डु खाने वा झोक्राएर बस्ने काम नगरेको उहाँले बताउनुभयो । ‘सर्वोच्च अदालतका दुईवटै फैसला प्रति हाम्रो सम्मान छ’- उहाँले भन्नुभयो ।
बैठकमा राष्ट्रपति विद्यादेवी भण्डारीले मार्च २२ र २३ मा बंगलादेशको औपचारिक राजकिय भ्रमण गर्ने पनि उहाँले प्रतिनिधि सभालाई जानकारी दिनुभयो । उहाँले सो भ्रमणका क्रममा महत्वपूर्ण सहमतिमा पनि निष्कर्षमा पुग्ने अपक्षा समेत व्यक्त गर्नुभयो ।
