काठमाडौं । एमाले कर्णाली प्रदेश संसदीय दलले मुख्यमन्त्री महेन्द्रबहादुर शाहीको विपक्षमा मतदान गर्न ह्वीप जारी गरेको छ ।
शुक्रबार बसेको कर्णाली एमाले संसदीय दलको बैठकले शाहीको विपक्षमा मतदान गर्न आफ्ना सांसद्लाई ह्वीप जारी गर्ने निर्णय गरेको सचेतक गुलाबजंग शाहले जानकारी दिनुभयो । मुख्यमन्त्री शाहीलाई दिएको समर्थन एमालेले गत चैतमै फिर्ता लिइसकेको छ ।
आज दिउँसो २ बजे बस्ने प्रदेश सभाको हिउँदे अधिवेशनको पहिलो बैठकमा मुख्यमन्त्री शाहीले विश्वासको मत लिँदै हुनुहुन्छ । एमालेको माधव गुटका सांसदले फ्लोर क्रस गर्ने मात्र शाहीको बहुमत पुग्छ । तर कर्णाली एमाले एकढिक्का भइसकेको छ ।
