कोभिडको कारण प्रदेश सरकारको आर्थिक वृद्धिको लक्ष्य प्राप्त हुन गाह्रो : इन्द्रबहादुर आङ्बो

काठमाडौं । प्रदेश १ का प्रदेश सभा सदस्य इन्द्रबहादुर आङ्बोले कोभिडका कारण प्रदेश १ सरकारले ल्याएको आर्थिक वृद्धिदर प्राप्ति गर्न सम्भव नहुने बताउनुभएको छ ।

सरकारले आर्थिक वृद्धिको लागि कार्यक्रम र योजना नै नबनाएको कारण सरकारले लिएको ६ प्रतिशतको आर्थिक वृद्धिदर प्राप्त गर्न नसकिने बताउनुभयो ।

आङ्बोले प्रदेश सरकारको कोभिड नियन्त्रणसँग सम्बन्धित ठोस कार्यक्रम नभएको बताउनुभयो । सबै काम संघीय सरकारले मात्र गरिदिन्छ भन्ने भरमा पर्नु नहुने उहाँको भनाइ छ । कोभिड लाग्यो भने गरिबले उपचार गर्न सक्ने अवस्था नभएको बताउँदै उहाँले भन्नुभयो, ‘बजेटमा सरकारले उपचार गर्ने कार्यक्रम देखिएन ।’

उहाँले भौतिक पूर्वाधारको क्षेत्रमा बजेट देखिए पनि साना आयोजनामा धेरै बजेट छुट्टिएको उहाँको टिप्पणी छ । साना आयोजनाले देखिने खालको प्रगति नहुने उहाँले बताउनुभयो । उहाँले डोजर केन्द्रित विकासमा नलाग्न उहाँले सरकारलाई आग्रह गर्नुभयो ।