काठमाडाैं । सांसद् विमला राई पाैडेलले पूर्ण अपांगता भएका र अशक्त नागरिकलाई तत्काल खाेप लगाउनुपर्ने बताउनु भएकाे छ ।
साेमबार बसेकाे राष्ट्रिय सभा बैठकमा बाेल्दै सांसद् पाैडेलले विशेषगरी पूर्ण अपांगता भएका नागरिकलाई उनीहरु बस्ने सेल्टर वा घरमै पुगेर खाेप लगाउने व्यवस्था गर्न सरकारसँग आग्रह गर्नुभयाे ।
'विशेषगरी जाे अरुकाे सहारामा बाँच्नुभएकाे छ,आफै खाेप लगाउन केन्द्रमा जान सक्नुहुन्न त्यस्ता नागरिक बस्ने सेल्टर वा घरमै पुगेर खाेप लगाउने व्यवस्था गर्नका लागि म सरकारसँग माग गर्छु'-पाैडेलले भन्नुभयाे । यस्ता नागरिकलाई उमेर समूह नहेरी सबैलाई खाेप दिन पनि उहाँले सरकारसँग आग्रह गर्नुभयाे ।
सरकारले जेष्ठ नागरिकलाई खाेप दिएर अभियान थालेकाे खुशी व्यक्त गर्दै अशक्त जेष्ठ नागरिकलाई पनि घरमै पुगेर तत्काल खाेप लगाउने व्यवस्था गर्न माग गर्नुभयाे । प्राथमिकता ताेक्दा जेष्ठ नागरिकलाई ताेकिएपनि घरमा सन्तती नभएका र नसक्ने जेष्ठ नागरिक खाेपबाट बञ्चित भएका बताउनुभयाे । स्थानीय तहका जनप्रतिनिधिले आफ्नाे वडामा रहेका अपांगता भएका व्यक्ति र अशक्त नागरिकलाई खाेजी खाेजी काेभिड खाेप लगाउन समेत उहाँले आग्रह गर्नुभयाे ।
सरकारकाे कुटनीतिक प्रयास र राष्ट्रपति विद्यादेवी भण्डारी तथा प्रधामन्त्री केपी शर्मा ओलीकाे व्यक्तिगत प्रयासकै कारण थप खाेप आउन लागेकाेमा उहाँले खुशी व्यक्त गर्नुभयाे ।
