काठमाडौं । राष्ट्रिय सभाका सदस्य रमेशजंग रायमाझीले राष्ट्पतिले शेरबहादुर देउवालाई प्रधानमन्त्री स्वकार्न नसक्दा शेरबहादुर देउवा अदालतको परमादेशबाट प्रधानमन्त्री बन्नु पर्ने अवस्था आएको बताउनुभएको छ ।
सर्वोच्चले जारी गरेको परमादेशलाई १ सय ६५ सांसदले समर्थन गर्दै शेरबहादुर देउवालाई मत दिएको बताउँदै उहाँले सर्वोच्चको फैसला जनअनुमोदन समेत भएको उहाँको तर्क छ । बिहीबार राष्ट्रिय सभा बैठकको विशेष समयमा बोल्दै उहाँले नवनिर्वाचित प्रधानमन्त्री शेरबहादुर देउवालाई प्रधानमन्त्रीको सपथ खुवाएर बधाइ समेत नदिएर राष्ट्रपतिले पूर्वाग्रही व्यवहार गरेको उहाँले बताउनुभयो ।
उहाँले विगतको सरकारले सहकार्य र एकताको भावनालाई गुमाएको कारण अहिलेको अवस्था आएको रायमाझीले बताउनुभयो । अघिल्लो सरकारले नेपाल एयरलाइन्सलाई डुबाएर निजी एयरलाइन्सलाई पोस्ने काम गरेको उहाँको आरोप छ ।
