काठमाडाैं । राष्ट्रिय सभा सदस्य विमला राई पौड्यालले नागरिकतासम्बन्धी विधेयक चाँडाे भन्दा चाँडाे पास गर्नुपर्ने माग गर्नु भएकाे छ ।
बिहीबार बसेकाे राष्ट्रिय सभा बैठककाे विशेष समयमा बाेल्लै सांसद् राईले नागरिकता विधेयक पास गर्न ढिलाइ गर्न नहुने बताउनुभयाे । अहिले फ्लोर क्रस गर्ने प्रचलन बढेकाे भन्दै सांसद् राईले जनसराेकार र महत्वपूर्ण विषयमा सांसद्हरुले फ्लाेर क्रस गर्नुपर्ने बताउनुभयाे ।
नागरिकता विधेयक साढे ३ वर्षदेखि प्रतिनिधि सभामा विचाराधीन रहेकाे र राष्ट्रिय सभामा प्रवेश नरहेकाे उहाँले बताउनुभयाे । दलीय सहमति नजुटेर नागरिकता विधेयक पास गर्न नसकिएकाे भए फ्लोर क्रस गरेर भए पनि विधेयक पास गर्नुपर्ने राईले बताउनुभयाे । उहाँले भन्नुभयाे - 'त्यस्ता कुरामा फ्लोर क्रस गरौं, जसले जनताको टड्कारो आवश्यकता परिपूर्ति गर्छ, सबैलाई भाेट हाल्न लगाम्, आमाको नाममा नागरिकता दिनु भनेर संविधानले भनिसकेपछि त्यही कुरा लेखेर आएकाे विधेयककिन पास हुँदैन ? कि हामी सबै जना पितृ सत्तालाई बाेकेर हिँड्ने मान्छे छाैं ?'
दलीय सहमति निकालेर वा जे गरेर भएपनि याे विधेयक पास हुनुपर्ने उहाँले बताउनुभयाे । दलीय सहमति भएन भनेर ६ लाख नागरिकलाई नागरिकताविहीन बनाउन नहुने उहाँले बताउनुभयाे ।
