काठमाडाैं । राष्ट्रिय प्रजातन्त्रका पार्टी (राप्रपा) का सांसद् राजेन्द्र लिङ्देनले सर्वाेच्च अदालतकाे फैसलाप्रति असन्तुष्टि जनाउनु भएकाे छ ।
शुक्रबार बसेकाे प्रतिनिधि सभा बैठकमा बाेल्दै सांसद् लिङ्देनले अदालतकाे फैसलाबाट फेरि याे संसद्मा सत्ता राजनीतिकाे अस्थिर खेल प्रवेश गरेकाे बताउनुभयाे । उहाँले भन्नुभयाे - 'अदालतकाे फैसलाबाट फेरि याे संसद्मा सत्ता राजनीतिकाे अस्थिर खेल प्रवेश गर्याे, हाम्राे सदनभित्र याे खेल चीरकालसम्म अगाडि जान्छ, याे के मर्याे भन्ने कुरा हाेइन काल पल्कियाे भन्ने मलाई लागछ यसमा हामी सबैकाे विशेषगरी ठूला दलकाे ध्यान जान जरुरी छ ।'
जबसम्म प्रत्यक्ष निर्वाचित प्रधानमन्त्रीकाे बाटाेमा जान सकिँदैन तबसम्म देशले स्थिरताकाे बाटाे पक्रन नसक्ने उहाँकाे भनाइ छ । बालुवाटारमा पार्टीकाे औपचारिक बैठक नराख्ने कांग्रेसकाे निर्णय राम्राे सुरुआत भएकाे उहाँले बताउनुभयाे । याे कुरा विगतदेखि नै आफूहरुले उठाउँदै आएकाे सांसद् लिङ्देनले बताउनुभयाे ।।
देशले कांग्रेस नेतृत्वकाे तर्फबाट सरकारसँग ठूलाे आसा नगरेकाे बताउँदै उहाँले भन्नुभयाे - 'याे सरकारले साना साना कुरा सुधार गरे पुग्छ, गल्ती नदाेहाेर्याए पुग्छ ।' चार पटक आफ्नो सरकार बन्दा र अघिल्लो सरकारले केके कमजोरी गर्यो त्यही नदोहोर्याए पुग्ने उहाँकाे भनाइ छ । सुशासन दिन पनि उहाँले सरकारसँग माग गर्नुभयाे ।
उहाँले पुस २७ लाई पृथ्वी जयन्तीका रुपमा मनाउने निर्णय गर्न सरकारसँग माग गर्नुभयाे ।
