काठमाडाैं । नेकपा एमालेका सांसद् कृष्णभक्त पाेखरेलले भूमिसम्बन्धी समस्या समाधान आयाेगमा विघठन गर्न खाेजिएकाेमा कडा आपत्ति जनाउनु भएकाे छ ।
भूमिकाे मालिक बनेपछि लाखाैं जनताले नेकपा एमालेलाई सम्झिरहन्छन् भनेर वर्तमान सरकारले आयाेग विघटन गर्न खाेजेकाे सांसद् पाेखरेलकाे भनाइ छ । शुक्रबार बसेकाे प्रतिनिधि सभा बैठककाे विशेष समयमा बाेल्दै सांसद् पाेखरेलले भूमि आयाेग विघटन गर्ने प्रयासकाे घाेर निन्दा गर्नुभयाे ।
उहाँले भन्नुभयाे - 'अहिलेकाे शासक वर्गले एउटा यस्ताे सन्त्रास दिइरहेकाे छ कि अब याे आयाेग विघटन हुन्छ, किन विघटन गर्नुपर्छ भन्दा भूमिहीन जनतालाई साँचाे अर्थमा मालिक बनाइयाे भने जग्गाधनी प्रमाणपत्र पूर्जा पाए भने नेकपा एमालेलाई सम्झिरहनेछन्, त्यसैले आयाेग विघटन गर्नुपर्छ भनेर सन्त्रास दिएर तल तलका जिल्ला समितिलाई काम गर्ने वातावरण दिइएकाे छैन, कर्मचारीलाई त्यसै किसिमककाे निर्देशन दिइएकाे छ ।'
नेकपा एमाले र भूमिहीन सुकुम्बासीलाई निस्तेज गर्नका लागि भूमि आयाेग विघटन गर्न खाेजिए सह्य नहुने चेतावनी पनि उहाँले दिनुभयाे - 'नेकपा एमाले त रक्तबिज हाे, यसलाई तपाईंले चाहेर समाप्त गर्न सक्नुहुन्न, भूमिहीन जनताले जग्गा पाउने संविधानप्रदत हक हाे र त्याे भाेलि नेकपा एमाले सरकारमा आएर त्यसकाे सुनिश्चिता दिन्छ, म शासक वर्गलाई अनुराेध गर्छु- याे आयाेगलाई निरन्तरता दिनु्स्, कानुनबमाेजिम काम गर्ने वातावरण पैदा गर्नुस, कानुन उलल्घंन गर्छ भने तपाईंले राेक्ने अधिकार छँदैछ ।' भूमि आयाेगलाई विघटन गर्ने र काम गर्न नदिने दुस्क्रम नगर्न पनि उहाँले सचेत गराउनुभयाे ।
यसअघि बनेका आयाेगले भूमिसम्बन्धी समस्या समाधान गर्न नसकेपछि नेकपा एमालेकाे सरकारले देवी ज्ञवालीकाे नेतृत्वमा आयाेग गठन गरेकाे सांसद् पाेखरेलले स्मरण गर्नुभयाे । साे आयाेगले २ लाख ४७ हजार ९ सय ६० भूमिहीन र ९ लाख ३० हजार ८ सय १ अव्यवस्थित बसाेबासीकाे अर्थात ११ लाख ८० हजार ७ सय ६३ परिवारलाई जग्गाकाे मालिक बनाउनुपर्छ भनेर लगत संकलन गरिसकेकाे पनि उहाँले स्मरण गर्नुभयाे ।
कम्युनिष्टप्रति फैलाइएकाे भ्रम नेकपा एमालेका नेता मनमाेहन अधिकारी नेतृत्वकाे सरकारले ताेडेकाे पनि कृष्णभक्तले प्रष्ट पार्नुभयाे । उहाँले भन्नुभयाे - 'बुढाबुढी भएपछि कम्युनिष्टले मार्छन् भनेकाे त भत्ता दिँदा रहेछन्, कम्युनिष्टहरु त विकास गर्दैनन् भनेकाे त आफ्नाे गाउँ आफै बनाउँ भन्दै लाखाैं लाख मानिस काममा जुटेका छन्,ऋषिराम लु्म्सालीकाे अध्यक्षतामा बनेकाे सुकुम्बासी आयाेगले ६ महिनाभित्र ७४ हजार सकुुम्बासीलाई जग्गा वितरण गरेकाे थियाे, यसले कम्युनिष्टहरुकाे व्यापक प्रभाव याे देशमा हुने भयाे भनेर बिरामी अवस्थामा हस्पिटलमा बस्दा त्यही हस्पिटलबाट जवाफ दिनुपर्छ भनेर मनमाेहनलाई गलत्याएर निकालियाे त्यतिमात्र हाेइन लाखाैं लाख सुकुम्वासीकाे भावनालाई प्रहार गरियाेर आयाेग विघटन गरियाे ।'
साे आयाेग विघटन गरेपछि नेपाली कांग्रेसले अर्काे आयाेग गठन गर्न र पूर्जा वितरण गर्ने काम गर्न नसकेकाे पाेखरेलले बताउनुभयाे । त्यसबीचमा धेरै सरकार आएपनि कसैले साे समस्या समाधान गर्न नसकेका सांसद् पाेखरेलले बताउनुभयाे । केपी शर्मा ओली नेतृत्वकाे सरकारले मात्र साे काम अगाडि बढाएकाेमा अहिले आयाेग नै विघटन गर्न खाेज्नु गलत भएकाे उहाँकाे भनाइ छ ।
