काठमाडाैं । राष्ट्रिय सभाबाट दुई वटा विधेयक पारित भएका छन् ।
साेमबार बसेकाे राष्ट्रिय सभा बैठकले नेपाल हवाई सेवा प्राधिकरण, २०७६ र नेपाल नागरिक उड्डयन प्राधिकरण विधेयक, २०७६ पारित गरेकाे हाे । प्रधानमन्त्री शेरबहादुर देउवाको तर्फबाट कानुन, न्याय तथा संसदीय मामिलामन्त्री ज्ञानेन्द्रबहादुर कार्कीले नेपाल हवाई सेवा प्राधिकरण र नेपाल नागरिक उड्डयन प्राधिकरण विधेयक पारित गरियोस् भनी राख्नुभएकाे प्रस्तावलाई बैठकले सर्वसम्मतिले अनुमोदन गरेको छ ।
बैठकमा स्टाण्डर्ड नाप र तौल (पाचौँ सशोधन) विधेयक २०७६ सम्बन्धी समितिको प्रतिवेदन पनि पेस भएकाे छ । विधायन व्यवस्थापन समितिका सभापति परशुराम मेघी गुरुङले समितिको साे प्रतिवेदन पेस गर्नुभएकाे हाे । राष्ट्रिय सभाको अर्को बैठक साउन २० गते दिउँसाे १ बजे बस्नेछ ।
