काठमाडाैं । राष्ट्रिय सभा सदस्य विमला घिमिरेले नेकपा एमालेकाे सरकार जनताका लागि थियाे भन्ने पुन: पुष्टि भएकाे बताउनु भएकाे छ ।
मंगलबार बसेकाे राष्ट्रिय सभा बैठककाे विशेष समयमा बाेल्दै सांसद् घिमिरेले केपी शर्मा ओली नेतृत्वकाे एमाले सरकार जनताका लागि थियाे र हाे भन्ने कुरा पुन पुष्टि भएकाे बताउनुभयाे ।
नेपाली कांग्रेसका एक नेताले कांग्रेस हुनेखानेकाे पार्टी हाे भनेकाे प्रसंग उठाउँदै विमलाले भन्नुभयाे ' - 'नेपाली कांग्रेस गरिब र सुकुम्बासीकाे पार्टी हाेइन हुनेखानेकाे पार्टी हाे, यदि यहाँ काेही गरिब र सुकुम्बासी आएका छाै भने तिमिहरुकाे भाेट हामीलाई चाहिँदैन, हामीलाई भाेट नहाल्नु भनेकाे भाषण अहिले सबैकाे कानमा गुञ्जिरहेकाे छ, ती गरिब, सुकुम्बासी र भूमिहीनलाई पूर्जा नदिने निर्णय सायदै सरकारले यही नीतिका गरेकाे हुनुपर्छ हामीलाई त्यस्ताे लागिरहेकाे छ ।'
नेकपा एमालेकाे सरकार जनताका लागि रहेछ भन्ने पुष्टि भएकाे बताउँदै विमलाले भन्नुभयाे - 'एमालेकाे सरकार जनताका लागि रहेछ, भूमिहीन सुकुम्बासीका लागि रहेछ भन्ने पुन: पुष्टि भएकाे छ, आयाेग भंग गर्न जति सजिलाे भयाे त्यसकाे मूल्य चुकाउन सरकारलाई कठिन हुनेछ ।'
स्थानीय तहलाई सम्मिलित गरेर आयाेगले पारदर्शी काम गरेकाे पनि विमलाले बताउनुभयाे । भूमिसम्बन्धी समस्या समाधान आयाेग एमालेकाे भर्ती केन्द्र थियाे भन्ने आराेपकाे खण्डन गर्दै विमलाले भन्नुभयाे - 'कतिपयले भन्दैछन्- याे एमालेकाे भर्ति केन्द्र थियाे यसैले याे आयाेग भंग गरिएकाे हाे, यसमा कुनै तर्क या दम छ ? म साेध्न चाहान्छु, त्यसाे हाे भने सरकारले गर्ने हरेक नियुक्तिमा कसका मान्छे खाेज्दैछ ? म साेध्न चाहान्छु, पार्टीमै आस्था नभएका विचारबिहीन मान्छे कहाँ पाउँछ ? याे सरकारकाे निम्ति चुनाैती हुन्छ ।'
नयाँ बनाउने हल्ला चलेकाे भन्दै विमलाले भन्नुभयाे - ' आयाेग बन्छ भन्ने सत्य हाे ? अब फेरि आयाेग बनाएर संकलन गरिएका फाराम च्यातेर फेरि अर्काे संकलन गर्ने हाे ? यदि त्यसाे हाे भने स्थानीय तहले आयाेगकाे काममा गरेकाे लगानी र बनाएकाे याेजना ती सबै खेर फाल्न चाहान्छ याे सरकार ? नयाँ मान्छे काम सिक्न ६ महिना फाराम संकलन गर्न ६ महिना, नापजाँच गर्न ६ महिना हिसाबै हेर्ने हाे भने स्थानीय चुनाव नजिकिँदै छ, संघीय सरकारकाे याे अवस्थामा कसरी पाउँछन् भूमिहीनले जग्गा ? याे प्रश्न मेराे मात्र हाेइन भूमिहीन सुकुम्बासीकाे हाे ।'
सरकार सञ्चालनकाे संयन्त्र बनाउन खाेजिएकाे भन्दै उहाँले संविधान भन्दा बाहिरबाट त्यस्ता संयन्त्र नचलाउन सरकारकाे ध्यानाकर्षण गराउनुभयाे ।
दार्चुला घटनामा सरकारकाे उदासिनता देखाएकाे भन्दै उहाँले यसबाट आफूह लज्जित हुनु परेकाे बताउनुभयाे । उहाँले भन्नुभयाे - 'विगतमा भारतले नाकाबन्दी गर्दा नाकाबन्दी हाे भनेर भन्न नसक्नेहरु भारतले नेपालकाे कालपानी मिच्दा बसेर टुलुटुल हेर्नेहरु आज फेरि एउटा नेपाली भारतका कारण वेपत्ता हुँदा पनि सरकार बाेल्न मिल्दैन भनेर चुपचाप छ, के यसकै लागि परमादेशबाट बनाइएकाे हाे याे कम्फरटेबल सरकार ? जनताकाे मनमा याे प्रश्न उठिरहेकाे छ ।'
घटनामा पीडित परिवारलाई तत्काल क्षतिपूर्ति दिन र अपराधीलाई कारबाहीकाे दायरामा ल्याउन भारतसँग आँखामा आँखामा जुधाएर कुरा गर्ने बेला भएन र सरकार ? भन्दै उहाँले प्रश्न पनि गर्नुभयाे ।
सरकारले काेभिड खाेपकाे व्यवस्थापन गर्न नसकेकाे र भीड बढ्दा काेभिड संक्रमणदर बढ्ने जाेखिम बढिरहेकाे भन्दै उहाँले यसमा ध्यानाकर्षण गराउनुभयाे ।शिक्षक र विद्यार्थीलाई तत्काल खाेपकाे व्यवस्था गर्न परीक्षा सञ्चालन भइरहेकाे विद्यालयमा थप सतर्कता अपनाउन पनि उहाँले सरकारसँग माग गर्नुभयाे । इपियस परीक्षा पास गरेर काेरिया जान नपाएकका युवालाई तत्काल त्यता जाने व्यवस्था मिलाउन पनि विमलाले आग्रह गर्नुभयाे ।
