काठमाडाैं । प्रमुख प्रतिपक्षी नेता केपी शर्मा ओलीले राष्ट्रियताकाे विषयलाई वर्तमान सरकारले समस्या बनाएकाे भन्दै कडा आपत्ति जनाउनु भएकाे छ ।
मंगलबार बसेकाे प्रतिनिधि सभा बैठकमा बाेल्दै पूर्व प्रधानमन्त्री समेत रहनुभएका प्रतिपक्षी नेता ओलीले लिम्पियाधुरा, लिपुलेक र कालापानीलाई समस्यामा राखेकाे भन्दै कडा सरकारप्रति आपत्ति जनाउनुभयाे ।
सरकारका न्यूनतम साझा कार्यक्रममा राखिएकाे प्रस्तावप्रति आपत्ति जनाउँदै उहाँले प्रश्न गर्नुभयाे - 'लिम्पियाधुरा,लिपुलेक र कालापानी भारतसँग वार्ता गरेर फिर्ता ल्याउँछु भन्न किन सक्नुभएन तपाईंले ?,लिम्पियाधुरा,लिपुलेक र कालापानी समस्या हाे भनेर समस्यामा राख्नुभयाे के याे समस्या हाे ? हाम्राे अभिन्न भूभाग पवित्र भूभाग समस्या हुन्छ ?'
स्पष्ट रुपमा हाम्राे भूमि हामी फिर्ता लिन्छाैं भन्नुपर्नेमा याे समस्या हाे समाधान गर्छाैं भनिएकाेमा असन्तुष्टि जनाउँदै ओलीले भन्नुभयाे - 'यस्ताे खुट्टा कमाउने कसले बनायाे ?'
आफू नेतृत्वकाे सरकारले आँट गरेर भूभाग फिर्ता लिन नक्सा बनाएकाे,संविधानकाे अंग बनाएकाे,भारतलाई पत्राचार गरेकाे संवाद गरेकाे,वार्ता गरेकाे स्मरण गर्दै अध्यक्ष ओलीले भन्नुभयाे - 'त्याे समस्या हाेइन फिर्ता लिनुस् ।' याे सरकारले भूमि फिर्ता नल्याए आफूहरुले ल्याउने बताउँदै उहाँले भन्नुभयाे - 'तपाईंहरूले सक्नुभएन भने डेढ वर्ष पख्नुस्, हामी छौँ, हामीले ल्याउँछाैं हाम्राे भूमि ।'
छिमेकीहरुसँग सीमा समस्या समाधान गरिनेछ भन्नेबारे पनि उहाँले प्रश्न गर्नुभयाे - 'कुन छिमेकीसँग के समस्या छ ? स्पष्ट लेख्नुपर्दैन ? कतिवटा छिमेकी छन् ? डराउनुको पनि हद हुन्छ नि, कति डराएको यो सरकार ? कुन छिमेकीसँग कहाँकहाँ सीमा समस्या छ ताेकेर भन्नुस् ?'
