काठमाडौं । राष्ट्रिय सभा सदस्य प्रकाश पन्तले जिम्मेवार मानिसले समेत अपाङ्गता भएका व्यक्तिको अपमान हुने गरी बोल्ने गरेको गुनासो गर्नुभएको छ ।
बुधबार राष्ट्रिय सभा बैठकमा बोल्दै पन्तले कसैको कमजोरीलाई अपाङ्गता भएका व्यक्तिसँग प्रयोग नगर्न उहाँले सबैको ध्यानाकर्षण गराउनुभयो । यसले अपाङ्गता भएका मानिसको आत्मासम्मानमा चोट पुगेको बताउनुभयो ।
विभिन्न खालका अपांगता भएका व्यक्तिलाई प्रयोग गरिने सभ्य शब्दावली भएका बताउँदै उहाँली त्यस्ता शब्दको प्रयोग गर्न आग्रह गर्नुभयो । ‘सबैको आत्मासम्मानमा हामीले सहयोग पु्याउनुपर्छ’, उहाँले भन्नुभयो ।
