काठमाडाैं । प्रमुख प्रतिपक्षी नेकपा एमालेले अफगानिस्तानमा रहेका नेपालीकाे तत्काल उद्धार गर्न सरकारकाे ध्यानाकर्षण गराएकाे छ ।
प्रतिनिधि सभा बैठककाे सुरुमै बाेल्दै एमाले सांसद् गाेकुल बाँस्काेटाले अफगानिस्तानमा रहेका नेपालीकाे रक्षा र फिर्तिकाे व्यवस्था मिलाउन सरकारकाे ध्यानाकर्षण गराउनुभयाे । कुनै प्रतिबद्धताले नुहने उहाँले बताउनुभयाे । 'अफगानिस्तानमा २० वर्षपछि इतिहास दोहोरिएको छ, दुनियाँ चकित छ, त्रसित छ, किंकर्तव्यविमूढ छ, विदेशी नागरिकहरु, त्यहाँ रहेका नेपालीहरु त्रस्त छन्, संकटमा परेका आफ्नो देश छ, आफ्नो देशमा सरकार छ भन्ने त्यहाँ रहेका नेपालीले थाहा पाएनन्, अफगानिस्तानमा रहेका नागरिकको रक्षा हुनुपर्छ, तिनको फिर्तीको व्यवस्था हुनुपर्छ’- गाेकुलकाे भनाइ छ ।
तालिवानले आक्रमण बढाउन थालेबाटै विभिन्न मुलुकले आफ्नाे नागरिकाे सुरक्षाका लागि तत्पर हुँदा सार्ककाे अध्यक्ष रहेकाे नेपाल सरकार अहिलेसम्म चुप लागेकाे उहाँले बताउनुभयाे । बाँस्काेटाले भन्नुभयाे - 'जनकवी केशरीले भनेझै दुनियाँभर मादल बज्दा पनि सरकार ब्युँझेन, सरकार कहाँ छ ? जनता जान्न चाहन्छन् ?' सार्कको सदस्य राष्ट्र रहेको अफगानिस्तानमा त्यत्रो घटना हुँदा पनि सार्ककै अध्यक्ष राष्ट्र नेपालले त्यसबारे आफ्नो दृष्टिकोण राख्न नसकेको भन्दै उहाँले आपत्ति जनाउनुभयाे ।
केपी शर्मा ओली नेतृत्वकाे सरकारले विगतमा अफगानिस्तानबाट नेपालीकाे उद्धार गरेकाे घटना स्मरण गराउँदै बाँस्काेटाले करिब दुई तिहाइकाे परमादेश सरकार भने चुप लागेर बसेकाे बताउनुभयाे । अफगानिस्तानको घटना के हो भन्नेबारे सरकारले धारणा ल्याउनुपर्ने बताउँदै गाेकुलले भन्नुभयाे - 'अफगानिस्तानको घटना क्रान्ति हो कि प्रतिक्रान्ति हो कि के हो ? हाम्रो कुनै दृष्टिकोण छैन ? यसबारे सरकारले दृष्टिकोण प्रष्ट पारोस्, यसबारे सभामुखबाट रुलिङ हाेस् ।'
