काठमाडाैं । लोसपा प्रदेश-२ संसदीय दलका नेता जितेन्द्र सोनले मुख्यमन्त्री लालबाबु राउत नेतृत्वको सरकारले संविधान उल्लंघन गरेकाे बताउनु भएकाे छ ।
बुधबार बसेकाे प्रदेश सभा बैठकमा बाेल्दै साेनलले जसपा फुटेर लाेसपा बनेकाे ४३ दिनपछि मात्रै विश्वास लिन लागिएकाेमा असन्तुष्टि जनाउनुभयाे । सरकारले ३० दिनभित्र विश्वासकाे मत लिनुपर्नेमा नलिएकाे बताउँदै साेनलले भन्नुभयाे - 'संवैधानिक प्रावधान मिचेर यो सरकारले विश्वासको मत लिन खोज्दैछ, यो आपत्तिजनक छ ।'
प्रदेश सरकारले भ्रष्टाचार गरेकाे पनि उहाँले आराेप लगाउनुभयाे । बेटी बचाऊ, बेटी पढाऊ अभियान अन्तर्गत साइकल खरिदमा भ्रष्टाचार भएको पनि साेनलले बताउनुभयाे । भ्रष्टाचार भएकै कारण अख्तियार दुरुपयाेग अनुसन्धान आयाेगले मुख्यमन्त्री कार्यालयमा छापा मारेकाे साेनलले बताउनुभयाे । मुख्यमन्त्रीले मार्ग प्रशस्त गरेर अख्तियारलाई छानबिनका लागि सघाउन सक्ने ठाउँ रहेकाे पनि साेनलले बताउनुभयाे ।
मुख्यमन्त्रीका कारण प्रदेशकाे गाैरवमाथि प्रश्न उठेकाे भन्दै साेनलले भन्नुभयाे - 'अख्तियारले छापा मारेर मुख्यमन्त्री कार्यालयबाट कागजात नै छानविनका लागि लगेको छ, यसले मुख्यमन्त्री राउतमाथि नैतिकताको प्रश्न उठेको छ, बेटी बढाउ बेटी बचाउ अभियान अन्तरगत साइकल खरिदमा लागेको दाग पखाल्न मुख्यमन्त्रीले मार्गप्रशस्त गर्नुपर्छ ।'
अख्तियारले छापा मार्दैमा संघीयता धरापमा नपर्ने पनि साेनलले बताउनुभयाे ।
