काठमाडौं । प्रदेश-१ मा नयाँ सरकार गठनका लागि दाबी पेस गर्न आह्वान गरिएकाे छ ।
प्रदेश प्रमुख सोमनाथ अधिकारी प्यासीले साेमबार मुख्यमन्त्री भीम आचार्यको राजीनामा स्वीकृत गर्दै नयाँ सरकार गठनका लागि आह्वान गर्नुभएकाे हाे । प्रदेश सभा बैठकलाई सम्बाेधन गर्दै आचार्यले आज मुख्यमन्त्रीबाट राजीनामा दिनुभएकाे थियाे ।
प्रदेश प्रमुख प्यासीले दुई वा दुई भन्दा बढी दलको समर्थनमा बहुमत प्राप्त गर्न सक्ने प्रदेश सभा सदस्यलाई मुख्यमन्त्रीमा दाबी पेस गर्न मंगलबार दिउँसो १ बजेसम्मको समय दिनुभएकाे प्रदेश प्रमुखकाे कार्यालयले जनाएकाे छ ।
प्रदेश प्रमुखले आह्वान गरेकाे केही समयमै एकीकृत समाजवादी प्रदेश-१ संसदीय दलका नेता राजेन्द्र राईले सत्ता गठबन्धनका तर्फबाट मुख्यमन्त्रीमा दाबी पेस गर्नुभएकाे छ ।५० सांसद्काे हस्ताक्षरसहित राईले मुख्यमन्त्रीमा दाबी पेस गर्नुभएकाे हाे । राई मुख्यमन्त्री बन्ने पक्का छ । उहाँले मंगलबार पद तथा गोपनीयको शपथ लिनुहुनेछ ।
