काठमाडाैं । प्रमुख प्रतिपक्षी नेकपा एमालेको अवरोधबीच सरकारले ६ वटा अध्यादेश प्रतिनिधि सभामा पेस गरेकाे छ ।
मंगलबार बसेकाे प्रतिनिधि सभा बैठकमा कानुन न्याय तथा संसदीय मामिलामन्त्री दिलेन्द्रप्रसाद बडुले ६ वटा अध्यादेश पेस गर्नुभएकाे हाे । एमालेकाे अवराेधबीच सभामुख अग्निप्रसाद सापकाेटाले बैठक अगाडि बढाउनु भएकाे थियाे ।
बैठकमा गृहमन्त्री बालकृष्ण खाँडकाे तर्फबाट कानुनमन्त्री बडुले 'नेपाल प्रहरी र प्रदेश प्रहरी (कार्य सञ्चालन, सुपरिवेक्षण र समन्वय) (पहिलो संशोधन) अध्यादेश तेजाब तथा अन्य घातक रासायनिक पदार्थ (नियमन) अध्यादेश, २०७८ र सामाजिक सुरक्षा (पहिलो संशोधन) अध्यादेश, २०७८पेस गर्नुभएकाे छ ।
मन्त्री बडुले नै भौतिक पूर्वाधार तथा संसदीय मामिला मन्त्री रेनुकमारी यादवकाे तर्फबाट रेल्वे अध्यादेश, २०७८ पेस गर्नुभयाे । मन्त्री बडुले नै 'यौन हिंसाविरूद्धका केही ऐनलाई संशोधन गर्ने अध्यादेश, २०७८' र 'फौजदारी कसुर तथा फौजदारी कार्यविधिसम्बन्धी केही ऐन संशोधन गर्ने अध्यादेश, २०७८' पेस गर्नुभयाे ।
त्यसअघि सभामुख सापकाेटाले राष्ट्रपति विद्यादेवी भण्डारीबाट अधिवेशन आह्वानसम्बन्धी पत्र पढेर सुनाउनुभएकाे थियाे । सभामुख सापकाेटाले अध्यक्षता गर्ने सदस्यहरुकाे मनाेनयन पनि गर्नुभयाे ।
त्यसपछि सभामुख सापकाेटाले बैठक ६ पुस गते बस्नेगरी बैठक स्थगित गरिएको जानकारी गराउनुभयाे ।
