प्रमुख प्रतिपक्षीको विरोधका बिच प्रतिनिधि सभा बैठक अघि बढाउन मिल्दैन : प्रेम सुवाल

काठमाडौं । प्रतिनिधि सभा सदस्य प्रेम सुवालले प्रमुख प्रतिपक्षीको विरोधका बिचमा प्रतिनिधि सभा बैठक अघि नबढाउन सुझाव दिनुभएको छ । मंगलबार प्रतिनिधि सभा बैठकमा बोल्दै उहाँले यो कार्यलाई रोक्न आग्रह गर्नुभयो । ‘प्रमुख प्रतिपक्षले संसद् अवरुद्ध गरेको बेला कार्यसूची अगाडि बढाउनु संसदीय परम्परा होइन’, बैठकमा बोल्दै सुवालले भन्नुभयो । उहाँले संसद् स्थगित गरेर प्रमुख प्रतिपक्षीसँग छलफल गर्न सुझाव दिनु भयो । संसद् अवरुद्ध भएकै बेला एमसीसी समेत पास गर्न लागिएको भन्दै उहाँले त्यसको विरोध जनाउनुभयो ।