आजको प्रतिनिधि सभा बैठक स्थगित

काठमाडौं । आज बस्ने भनिएको प्रतिनिधि सभा बैठक स्थगित भएको छ । आज दिउँसो १ बजेको लागि बोलाइएको बैठक नेकपा माओवादी केन्द्रको महाधिवेशन नसकिएकोले स्थगित भएको हो । माओवादी पार्टीको आग्रहमा बैठक स्थगित भएको बुझिएको छ । संसद् सचिवालयले भने विशेष कारणले बैठक स्थगित भएको जनाएको छ । आज स्थगित भएको बैठक पुस २२ गते बस्ने संसद् सचिवालयले जनाएको छ । प्रतिनिधि सभा बैठक नबस्ने भए पछि आइतबार बोलाइएको कार्य व्यवस्था समितिको बैठक पनि स्थगित भएको छ ।