काठमाडाैं । भाेली बस्ने प्रतिनिधि सभा बैठकका लागि दुई वटा कार्यसूची निर्धारण गरिएकाे छ ।
संघीय संसद् सचिवालयले बुधबार बस्ने प्रतिनिधि सभा बैठकका लागि मंगलबार कार्यसूची सार्वजनिक गरेकाे हाे । एमसीसी सम्झाैता सदनमा पेस हुने चर्चा चलेपनि संसद् सचिवालयले निकालेकाे सम्भावित कार्यसूचीमा एमसीसी राखिएकाे छैन ।
बैठकमा प्रधानमन्त्री शेरबहादुर देउवाले थारु आयाेगकाे वार्षिक प्रतिवेदन पेस गर्नुहुनेछ । सभामुख अग्निप्रसाद सापकाेटाले पुस १७ गते निधन भएका संविधान सभा सदस्य जगतबहादुर ताजपुरियाकाे निधनसम्बन्धी शाेक प्रस्ताव पेस गर्नुहुने कार्यसूची रहेकाे संसद् सचिवालयले जनाएकाे छ ।
