काठमाडाैं । गएकाे भदाै २३ गते देखि अवराेद्ध रहेकाे प्रतिनिधिसभा बैठककाे अवराेध हटेकाे छ ।
प्रमुख प्रतिपक्षी दल नेकपा एमालेले बैठकमा अवराेध गर्दै आएकाे थियाे । आज बैठक सुरु हुना साथ नेकपा एमालेका तर्फबाट पार्टीकाे धारणा प्रस्तुत गर्दै एमालेका सांसद् प्रदीप ज्ञवालीले प्रतिनिधिसभाकाे बैठक अवराेध नगर्ने बताउनुभएकाे हाे ।
बैठकमा ज्ञवालीले एमालेलाई चुनावमा चौतर्फी घेराबन्दीमा पारिए पनि एमालेले ल्याइरहेको नतिजाप्रति सन्तोष व्यक्त गर्नुभयो ।
'हामीलाई चाैतर्फी घेराबन्दीमा पारिएकाे छ' ज्ञवालीले भन्नुभयाे- 'यसबीच एमालेले ल्याइरहेकाे मत परिणाम, नतिजाप्रति हामी सन्तुष्ट छाैं ।'
एमाले अध्यक्ष केपी शर्मा ओलीले नेकपा एकीकृत समाजवादी, एकीकृत समाजवादीका अध्यक्ष माधव कुमार नेपाल र सभामुख अग्निप्रसाद सापकोटालाई विपक्षी बनाएर दायर गरेको रिटको सुनुवाइ नगरेको बताउँदै ज्ञवालीले असन्तुष्टि जनाउनुभएको थियो ।
‘हामीले दायर गरेको मुद्दामा सर्वोच्च अदालतले टार्दै लग्यो । सेटिङ पुष्टि हुनेगरि अनेकौं बहाना अदालतले बनायो,’ ज्ञवालीले भन्नुभयाे, ‘अदालतले कारबाही नगरेपछि जनताले उचित फैसला गरेका छन् । विभाजनको कारकहरुलाई जनताले उचित रुपमा हेरेका छन् ।’
उहाँले गलत रुपमा ल्याइएको असंवैधानिक राजनीतिक दलसम्बन्धी अध्यादेशसम्बन्धी विवादमा पनि सुनुवाइ नगरेको बताउनुभयाे ।
‘हामी झल्झली सम्झिरहेका छौं । चुनावपछि एमाले मटियामेट हुने, टर्च बालेर खोज्नुपर्ने, धूलोमा मिल्ने जस्ता कुराहरु गरिएका थिए । तर, हामीले गठबन्धनसँग संघर्ष गर्दै ३ सय २२ मध्ये ९९ भन्दा माथि विजय हासिल गरेका छौं’ उहाँले भन्नुभयो- ‘परिणामप्रतिको कुरा होइन । तर, यसरी प्रतिपक्षी दललाई जुन तरिकाले चौतर्फी घेराबन्दी गरियो यस्तो दुनियाँमा कतै हुँदैन । स्वस्थ र मर्यादित प्रतिस्पर्धाबाट योभन्दा कमजोर बन्न एमाले तयार छ । तर सत्ताको दुरुपयोग भयो । यसले लोकतन्त्रलाई राम्रो गर्दैन ।’
उहाँले निर्वाचनको निष्पक्षतामा प्रश्न उठ्ने गरी घटनाहरु भएको बताउनुभयो । निर्वाचन प्रभावित गर्नेगरी सुरक्षाकर्मीको कार्यक्षेत्र सारिएको, आचारसंहितालाई अचारसंहिता बनाइएको र प्रधानमन्त्रीले सेनाको हेलिकोप्टर चढेर भोट माग्न हिँडेका कुराहरु बैठकमा उठाउनुभएको थियो ।
चुनावी परिणामपछि आफ्नो पार्टी धूलो टक्टक्याएर उठेर हिड्न तयार रहेको उहाँले बताउनुभयो ।
उहाँले भन्नुभयो- 'हामी निर्वाचन पछि धूलो टक्टक्याएर उठ्ने छौं र अघि बढ्ने छौ ।'
