संघीय सरकारको बजेट प्रस्तुत : आर्थिक वृद्धिदर ५.८४ प्रतिशत पुर्‍याउने

काठमाडौं । गठबन्धन सरकारले आर्थिक वर्ष २०७९÷८० को बजे संघीय संसदमा प्रस्तुत गरेको छ । संघीय सरकारका अर्थ मन्त्री जनार्दन शर्माले आइतबार संघीय संसद्को संयुक्त बैठकमा सरकारको बजेट प्रस्तुत गर्नुभएको हो । उत्पादनमा आधारित अर्थतन्त्रको विकास गर्ने गरी बजेट बनाइएको बैठकमा अर्थमन्त्री शर्माले जानकारी दिनुभएको छ । कृषि क्षेत्रको सबलीकरण तथा गरिबी निवारणमा बजेटले जोड दिने उहाँले जानकारी दिनुभयो । जलविद्युत, औद्योगिक विकास, औद्योगिकीकरण, प्रभाकारी सार्वजनिक सेवा प्रवाह सकारको बजेटको प्राथमिकतामा रहेको पनि उहाँले बताउनुभयो । आगामी वर्ष आयात २० प्रतिशत घटाउने र निर्यातलाई दोब्बर गर्ने उहाँले बताउनुभयो । शर्माले आउने आर्थिक वृद्धिदर ५ दशमलव ८४ प्रतिशत पुर्‍याउने लक्ष सरकारले लिएको बताउनुभयो । एक वर्षमा ११ खर्ब ५२ अर्ब ४२ करोड राजश्व संकलन हुने सरकारको अनुमान उहाँले प्रस्तुत गर्नुभयो ।