काठमाडाैं । नेकपा एमालेका सांसद् पार्वत गुरुङले गठबन्धन सरकारले ल्याएकाे बजेटले राज्यलाई कमजाेर बनाउने बताउनुभएकाे छ ।
मंगलबार प्रतिनिधि सभा बैठकमा बजेटमाथिकाे छलफलमा भाग लिँदै सांसद् गुरुङले सरकारले ल्याएकाे बजेटले नागरिकलाई राज्य छ भन्ने अनुभूति पनि नगराउने बताउनुभयाे ।
उहाँले भन्नुभयाे -'कता-कता याे बजेट सेटिङमा छ, देशलाई खाेक्राे बनाउने, देशलाई टाट बनाउने, देशकाे अर्थतन्त्रलाई कमजाेर बनाउने, केही व्यक्ति र सेटिङकाे निजी क्षेत्रलाई बलियाे बनाउने मेराे दाबी छ ।'
मुलुककाे विकास र अर्थतन्त्रका लागि निजी क्षेत्र मेरुदण्ड भएकाे भन्दै उहाँले बजेटले निजी क्षेत्रलाई विभाजन गर्न खाेजेकाे बताउनुभयाे । सांसद् गुरुङले प्रश्न गर्नुभयाे - 'मेक इन नेपाल र मेडिन नेपालकाे नेतृत्व यहाँ कस-कसले गर्छ ?'
दिगाे विकास, समृद्ध नेपाल, राजनीतिक स्थिरताका लागि बजेट आउने विश्वास गरिएकाे भन्दै उहाँले त्याे विश्वास अविश्वासमा परिणत भएकाे बताउनुभयाे । एमालेलाई कमजाेर बनाउने हिसाबले बजेट ल्याइएकाे सांसद् गुरुङकाे भनाइ छ ।
चुनावी बजेटका लागि गठबन्धनले गर्व गरिरहेकाे बताउँदै उहाँले प्रश्न गर्नुभयाे - 'याे बजेटले कुन वर्गलाई खुशी बनाउँदैछ ? यसले निश्चित वर्गलाई मात्र खुशी बनाउँदै छ ।' बजेटबाट सत्ता पक्षका सांसद् समेत खुशी नभएकाे पनि सांसद् गुरुङले बताउनुभयाे ।
आयल निगम खारेज हुँदैन भन्ने विश्वास नरहेकाे पनि उहाँले बताउनुभयाे । सेटिङलाई कमजाेर बनाउन नसके देश कमजाेर बन्ने उहाँकाे भनाइ छ । देखादेख सेटिङ र कमिशनलाई राेक्न नसके देश गम्भीर संकटतर्फ धकेलिने पनि सांसद् गुरुङले बताउनुभयाे ।
समृद्ध नेपाल,सुखी नेपालीकाे आकांक्षा पूरा गर्ने हिसाबले बजेट आउने अपेक्षा गरिएपनि त्यसाे हुन नसकेकाे बताउनुभयाे । ०५१ सालकाे बजेट नै नेपालकाे एेतिहासिक बजेट रहेकाे उहाँकाे भनाइ छ ।
