काठमाडौं । प्रतिनिधि सभा सदस्य विमलप्रसाद श्रीवास्तवले गठबन्धन सरकारले ल्याएको बजेट तथा कार्यक्रम माथि सत्ता पक्षकै सांसदले विरोध गरेको बताउनुभएको छ । प्रतिनिधि सभा बैठकमा बुधबार बजेट माथिको छलफलमा भाग लिँदै श्रीवास्तवले बजेट झारा टार्ने हिसाबले मात्र ल्याएको बताउनुभयो । उहाँले बजेट र कार्यक्रम माथि सत्ता पक्ष नै असन्तुष्ट रहेको बताउनुभयो । बजेट माथिको सुझाव र गुनासोमा कुनै सुनुवाई नहुने गरेको भन्दै उहाँले गुनासो गर्नुभयो । उहाँले नेपाल के के कुरामा आत्मनिर्भर छ भन्ने कुराको ज्ञान समेत अर्थ मन्त्रीलाई नभएको बताउनुभयो । देश आत्म निर्भर भएका बस्तु आयातमा रोक लगाउनु पर्नेमा बजेट तथा कार्यक्रमले सो कुरामा ध्यान दिन नसकेको भन्दै उहाँले गुनासो गर्नुभयो । कृषि औजार कारखाना र चिनी मिल सञ्चालन गर्ने कार्यक्रम सरकारले ल्याएको प्रति उहाँले खुसी व्यक्त गर्दै उहाँले त्यसको व्यवहारिक कार्यान्वयन गर्न आग्रह गर्नुभयो । उहाँले वीरगन्जको चिनी मिल र कृषि औजार कारखाना सरकारले यसै वर्ष सञ्चालन गरे वीरगन्जमा रहेको आफ्नो घर सरकारको नाममा दिने बताउनुभयो । ती कारखाना चलाउन उहाँले घर नै वा घर बेचेर आउने एक डेढ लाख रुपैँया सरकारलाई सहयोग गर्ने घोषणा गर्नुभयो । उहाँले किसानलाई मल बिउ समेत उपलब्ध गराउन नसक्ने सरकारले किसान पेन्सनको कार्यक्रम ल्याएर किसानकै अपमान गरेको बताउनुभयो । कसैको मानहानि गर्ने गरी ललिपप बाँड्ने गरी कार्यक्रम नल्याउन उहाँले सुझाव दिनुभयो ।
वीरगञ्ज चिनी र कृषि औजार कारखाना सञ्चालनमा आए आफ्नो घर पास गरिदिने विमलप्रसाद श्रीवास्तवको घोषणा
काठमाडौं । प्रतिनिधि सभा सदस्य विमलप्रसाद श्रीवास्तवले गठबन्धन सरकारले ल्याएको बजेट तथा कार्यक्रम माथि सत्ता पक्षकै सांसदले विरोध गरेको बताउनुभएको छ । प्रतिनिधि...
SUNRISE KHABAR
1 min read
