बजेट माथिको छलफल प्रतिपक्षीलाई गाली गर्न केन्द्रित रह्यो : भानुभक्त ढकाल

काठमाडौं । प्रतिनिधि सभा सदस्य भानुभक्त ढकालले सरकारको बजेट माथिको छलफल विषयबस्तु माथि भन्दा पनि प्रतिपक्षीलाई गाली गर्न केन्द्रित भएको बताउनुभएको छ । प्रतिनिधि सभा बैठकमा बुधबार बजेट माथिको छलफलमा भाग लिँदै उहाँले गठबन्धनका संसद्लाई को कुन भूमिकामा छ भन्ने कुरा समेत याद नभएको बताउनुभयो । ढकालले व्यवहार एकातिर तर सरकारको कार्यक्रम अर्कोतिर लक्षित भएको बताउनुभयो । राम्रो कुरा आफू पनि ल्याउन नसक्ने अरुले ल्याएको कुरा पनि स्विकार्न नसक्ने अवस्थामा सरकार रहेको उहाँले बताउनुभयो । उहाँले सरकारलाई राम्रो गर्ने कुरामा प्रतिस्पर्धा गर्न सत्ता गठबन्धनलाई आग्रह गर्नुभयो ।