कानुन कडा कार्यान्वयन नहुँदा पीडकको मनोबल बढ्छ : डा.डिला सङ्ग्रौला

काठमाडौं । प्रतिनिधि सभा सदस्य डा. डिला सङ्ग्रौलाले कानुनको प्रभाकारी कार्यान्वयन नहुँदा पीडकको मनोबल बढ्ने बताउनुभएको छ । सोमबार प्रतिनिधि सभा बैठकमा भाग लिँदै सङ्ग्रौलाले तेजाब आक्रमण विरुद्धको कानुनको प्रभाकारी कार्यान्वयन नगर्ने हो पनि यस्ता घटना अझ बढ्दै जाने बताउनुभयो । जघन्य आक्रमणको घटना जोगाउन त्यस्ता सामानको आयात प्रयोगमा समेत कडाइ गर्नुपर्नेमा उहाँले जोड दिनुभयो । उहाँले यस्ता कार्य विरुद्धका सचेतना कार्यक्रम चलाउन पनि जोड दिनुभयो । पीडितको शिक्षा, स्वास्थ्य, रोजगार र सुरक्षाको जिम्मा सरकारले लिनु पर्ने उहाँले बताउनुभयो ।