काठमाडाैं । नेकपा एमालेका सांसद् वसन्त नेम्वाङ्ले केपी ओली नेतृत्वकाे सरकारले ल्याएका १४ सय आयोजना बजेटबाट हटाएको भन्दै आपत्ति जनाउनुभएकाे छ ।
मंगलबार प्रतिनिधि सभा बैठकमा भौतिक पूर्वाधार तथा यातायात मन्त्रालय शीर्षकमा खर्च कटौती प्रस्ताव प्रस्तुत गर्दै सांसद् नेम्वाङ्ले गठबन्धन सरकारले भौतिक पूर्वाधारका योजनामा उपयुक्त बजेट छुट्याउन नसकेकाे उहाँले बताउनुभयाे ।
भाैतिक पूर्वाधार तथा यातायात मन्त्रालय ७४ वटा उपशीर्षकमा १ खर्ब ६८ अर्बकाे बजेट विनियाेजन गरिएकाे भन्दै उहाँले ती उपशीर्षक हेर्दा निराशा पैदा हुने बताउनुभयाे । कतिपयमा पूर्वाग्राही ढंगले हटाइएकाे,कुनै आयाेजनामा एकदमै कम बजेट छुट्याइएकाे र कतिपय याेजना खारेज गरिएकाे उहाँले बताउनुभयाे । ५० प्रतिशत बजेट पनि खर्च हुन नसक्ने सांसद् नेम्वाङ्ले बताउनुभयाे ।
पूर्वाग्राही र विराेधाभासपूर्ण रहेकाे बताउनुभयाे । राष्ट्रिय गाैरवका आयाेजना पनि गठबन्धन सरकारले काटेकाे भन्दै आपत्ति जनाउनुभयाे । 'राष्ट्रिय महत्वका आयाेजना त छन् नै,यीसँगकाे अन्तरआवद्धता गर्नका लागि अत्यन्तै महत्वपूर्ण बाटाे भनेर सुरुमा भाैगाेलिक सन्तुलन गर्ने,तराईमा तराई-मधेश पूर्वाधार विकासका विशेष कार्यक्रम सुरु गर्याैं,पहाडमा पूर्वाधार विशेष कार्यक्रम भनेर सुरु गर्याैं, १४ सय वटा सडक राख्याैं, प्रत्येक निर्वाचन क्षेत्रमा १०-१० कराेड रकम विनियाेजन गर्याैं, याे सरकार आउनासाथ १४ सय वटा सडक हटाइदियाे,पूर्वाग्राही नभनेर के भन्ने ?'
एमाले सरकारले वैकल्पिक सहायक राजमार्ग भनेर सुरु गरिएकाे सांसद् नेम्वाङ्ले स्मरण गराउनुभयाे । ७८ वटा वैकल्पिक सहायक याेजना सुरु गरिसकेकाे भन्दै उहाँले ती याेजना कटाएर अहिले ८ सय वटा याेजना बनाइएकाे भन्दै उहाँले आपत्ति जनाउनुभयाे । ७० जिल्लामा ३४ वटा आयाेजना राखिएकाे भन्दै उहाँले प्रश्न गर्नुभयाे । नीतिगत जालझेलकाे बाटाे लिएकाे भन्दै उहाँले यस्ता कुरामा आफूहरु सहमत हुन नसक्ने बताउनुभयाे । अस्तव्यस्त ढंगले अघि बढेकाले भाैतिक पूर्वाधार मन्त्रालय अगाडि बढ्न नसक्ने उहाँले बताउनुभयाे ।
