काठमाडाैं । नेकपा एमालेका सांसद् भीम रावलले सरकार जबरजस्ती धर्म परिवर्तन गराउन खेलमा लाग्न खाेजेकाे बताउनुभएकाे छ ।
बिहीबार बसेकाे प्रतिनिधि सभा बैठकमा खर्च कटाैतीकाे प्रस्ताव पेस गर्दै सांसद् रावलले पाठ्यक्रममा 'ई' भनेको ईसा' र 'ईसा'ले हाम्रो कल्याण गर्छ भन्ने लेखिएकाेमा आपत्ति जनाउनुभयाे । यस्ताे खालकाे पाठ्यक्रमले कतै सरकार धर्म परिवर्तनकाे खेलमा लागेकाे त हाेइन भन्ने प्रश्न उठेकाे उहाँले बताउनुभयाे ।
यसबारे शिक्षामन्त्रीले जवाफ दिनुपर्ने माग समेत सांसद् रावलले राख्नुभयाे । उहाँले भन्नुभयाे - 'पाठ्यक्रममा के लेखिएको रहेछ भने, ई भनेको ईसा, ईसाले हाम्रो कल्याण गर्छ, धर्मनिरपेक्ष भनिएको होइन देश ? मैले त बाल्यकालमा ई भनेको त ईश्वर पढेको थिएँ, ल कसैलाई ईश्वर मान्न भएन, ई माने ईमान किन लेख्नुभएन ? कहाँबाट ईसा आयो ? यो शिक्षामन्त्रीजीलाई थाहा छ कि छैन ?'
रावलले थप्नुभयाे - 'कि सरकार आफैं संविधानमा सनातन धर्म मान्नुपर्नेछ, कसैको धर्म परिवर्तन गर्न पाइनेछैन भन्ने लेख्ने, भित्र-भित्र आफैं कतैबाट फाइदा लिएर लागेको त छैन ? जनतालाई यसको जवाफ दिनुपर्छ, नत्र कसरी पाठ्यक्रममा लेखियो ?'
