काठमाडौं । नेपाल मजदुर किसान पार्टीका सांसद् प्रेम सुवालले नेपालकाे बिजुली नेपालीले नै उपभाेग गर्ने व्यवस्था मिलाउन सरकारकाे ध्यानाकर्षण गराउनुभएकाे छ ।
शुक्रबार बसेकाे प्रतिनिधि सभा बैठकमा खर्च कटाैतीकाे प्रस्ताव पेस गर्दै सांसद् सुवालले भारतलाई बिजुली बेच्नुभन्दा नेपालीलाई खान पकाउन सस्तोमा दिन आग्रह गर्नुभयाे ।भारतलाई सस्ताेमा बिजुली बेच्ने तर मंहगाेमा भारतसँग किन्ने नियतले सरकार कमिशनकाे खेलमा लागेकाे प्रष्ट हुने पनि उहाँले बताउनुभयाे ।
'भारतलाई १९ रुपैयाँमा बिजुली बेचेको छ तर भारतबाट ३८ रुपैयाँमा बिजुली किनेको भन्ने कुरा आयो, महंगोमा किन्ने र सस्तामो बेच्दा मोटै कमिशन लिनु भएको होला ? कति कमिशन आयाे ? यसबारे सरकारले सदनलाई जानकारी गराउनुपर्छ'-सुवालले भन्नुभयाे ।
पाँच दलीय गठबन्धनको सरकारले अरुण-४, पश्चिम सेती लगायत जलविद्युत आयाेजना भारतलाई दिएर देशघाती काम गरेको उहाँकाे आराेप छ । गृह मन्त्रालयका हाकिमका श्रीमती र सहयोगीहरू नै मिटर ब्याज असुलीमा संलग्न रहेको पनि सांसद् सुवालले बताउनुभयाे ।
नेपालकाे भूमि अतिक्रमण भइरहेकाेमा चिन्ता व्यक्त गर्दै सांसद् सुवालले सीमामा पिलर बनाउन सरकारले बजेट नछुट्याएकाेमा पनि कडा आपत्ति जनाउनुभयाे । अमेरिकी उपमन्त्री उज्रा जियाले जाउलाखेल स्थित तिब्बती शरणार्थी शिविरमा पुगेकाे विषयमा पनि उहाँले कडा आपत्ति जनाउनुभयाे ।
प्रधानमन्त्री शेरबहादुर देउवाले एकपछि अर्काे राष्ट्रघाती काम गरिरहेकाे सुवालकाे आराेप छ ।
देशलाई ऋणकाे जालाेमा डुबाउने काम भएकाे सुवालले बताउनुभयाे ऽ सरकारका प्रमुख र अर्थमन्त्रीलाई छानबिन गर्नुपर्ने भन्दै उहाँले त्यसका लागि छानबिन समिति गठन गर्न पनि उहाँले माग गर्नुभयाे ।
